అన్నాదమ్ముల మధ్య వివాదం.. మధ్యలో బలైన శునకం..

అన్నదమ్ముల మధ్య జరిగిన ఘర్షణ ఓ మూగజీవి ప్రాణాలు తీసింది. అల్లారు ముద్దుగా పెంచుకుంటున్న పెంపుడు శునకం దారుణంగా హత్యకు గురైంది. ఈ వీడియో సామాజిక మాధ్యమాల్లో వైరల్ అయ్యింది. ఒళ్లుగగుర్పొడిచేలా జరిగిన ఈ ఘటన ఏపీ పశ్చిమ గోదావరి జిల్లా కాళీపట్నంలో జరిగింది.

ఆంధ్రప్రదేశ్​ పశ్చిమగోదావరి జిల్లా మొగల్తూరు మండలం కాళీపట్నం తూర్పు గ్రామానికి చెందిన బాలం శ్రీను, జయరాజు అన్నదమ్ములు. వీరి మధ్య గత కొంత కాలంగా సరిహద్దు వివాదం నడుస్తోంది. తాజాగా జరిగిన ఘర్షణలో శ్రీను.. జయరాజు పెంచుకుంటున్న శునకాన్ని దారుణంగా నరికి చంపాడు.

ఈ ఘటనపై జయరాజు పోలీసులకు ఫిర్యాదు ఇచ్చాడు. కేసు నమోదు చేసిన పోలీసులు దర్యాప్తు చేపట్టారు. ఈ సంఘటన జరిగిన సమయంలో తీసిన వీడియో సామాజిక మాధ్యమాల్లో వైరల్ అయింది.

ఇదీచదవండి.