'హోలీ... జాగ్రత్తలు పాటిస్తే అవుతుంది జాలీ'

చిన్నా.. పెద్దా తేడా లేకుండా అందరూ సంతోషంగా జరుపుకునే పండగల్లో హోలీ ఒకటి. ఈ పర్వదినాన ఉపయోగించే రంగుల్లో రసాయన కారకాలు లేకుండా చూసుకోవాలని వైద్యులు చెప్తున్నారు. హోలీ రోజున తీసుకోవాల్సిన పలు జాగ్రత్తలను వారు సూచిస్తున్నారు.

దేశవ్యాప్తంగా అన్ని రాష్ట్రాల్లో హోలీ పండగలో వయసుతో సంబంధం లేకుండా ప్రజలు పాలు పంచుకుంటారు. ఈ సంబరాల్లో శరీరంపై చల్లుకునే రంగుల్లో హానికర రసాయనాలు లేకుండా జాగ్రత్తలు చేపట్టాలని వైద్యులు చెబుతున్నారు. సరోజినీ దేవి కంటి ఆసుపత్రి సూపరింటెండెంట్​ డా. రాజలింగం హోలీ రోజున పాటించాల్సిన పలు జాగ్రత్తలను వెల్లడించారు.

సహజమైన రంగులనే వాడాలని... రసాయన రంగులను ఉపయోగించవద్దని తెలిపారు. ఈ రంగుల వల్ల కంటి, చర్మ సమస్యలతో పాటు శ్వాస సంబంధిత వ్యాధులు వచ్చే అవకాశం ఉందని వెల్లడించారు. ఒకవేళ కంటిలో రంగులు పడితే నీటితో 5 నిమిషాల పాటు శుభ్రంగా కడుక్కోవాలని... ఆసుపత్రికి వెళ్లి పరీక్షలు చేయించుకోవాలన్నారు. సరోజినీ దేవి కంటి ఆసుపత్రి 24 గంటలు సేవలు అందిస్తుందని తెలిపారు.

ఇదీ చూడండి: హోలీ సందర్భంగా కుస్తీ పోటీలు