ఓల్డ్​ బోయిన్​పల్లిలో ఉచిత దుప్పట్ల పంపిణీ

ఓల్డ్​ బోయిన్​పల్లిలో కింగ్​ ఆఫ్​ కింగ్స్ మినిస్ట్రీ సంస్థ ఆధ్వర్యంలో ఉచిత దుప్పట్ల పంపిణీ కార్యక్రమం ఏర్పాటు చేశారు. సంస్థ వ్యవస్థాపకులు డాక్టర్ అందె​ సుధాకర్​ దుప్పట్లు పంపిణీ చేశారు.

మానవ సేవే మాధవ సేవ అని.. పేద ప్రజలకు సేవ చేయడమే పరమార్థమని కింగ్​ ఆఫ్ కింగ్స్​ మినిస్ట్రీ వ్యవస్థాపకులు డాక్టర్​ అందె సుధాకర్ పేర్కొన్నారు. సికింద్రాబాద్​​లోని ఓల్డ్ బోయిన్​పల్లిలో సంస్థ ఆధ్వర్యంలో సుమారు 200 మంది పేదలకు ఆయన దుప్పట్లు పంపిణీ చేశారు.

కొన్ని సంవత్సరాల నుంచి పలు సేవా కార్యక్రమాలు నిర్వహిస్తున్నట్లు సుధాకర్​ తెలిపారు. తన వద్దకు వచ్చే పేద ప్రజలకు ఉచిత వైద్యాన్ని అందిస్తున్నట్లు పేర్కొన్నారు. భవిష్యత్తులో మరిన్ని సేవా కార్యక్రమాల్లో పాల్గొని పేదలను ఆదుకునేందుకు పాటుపడతామన్నారు.

ఇదీ చదవండి: దక్షిణాసియా క్రీడల్లో రెజ్లర్ సాక్షిమాలిక్​కు స్వర్ణం