జీహెచ్​ఎంసీలో ఆస్తుల నమోదు ప్రక్రియ ప్రారంభం

జీహెచ్​ఎంసీ పరిధిలో ఆస్తుల నమోదు ప్రక్రియ మొదలైంది. న్యాప్​ యాప్​ ఆధారంగా అధికారులు ఇంటింటికీ వెళ్లి వివరాలు నమోదు చేస్తున్నారు. దసరా వరకు నమోదు ప్రక్రియను పూర్తి చేస్తామని అధికారులు తెలిపారు.

గ్రేటర్​ హైదరాబాద్​ పరిధిలో పౌరుల ఆస్తుల నమోదు ప్రక్రియ ప్రారంభమైంది. ప్రభుత్వ ఆదేశాలతో దసరా వరకు నమోదు పూర్తి చేస్తామని అధికారులు తెలిపారు. న్యాప్ యాప్ ఆధారంగా జీహెచ్​ఎంసీ అధికారులు ఇంటింటికీ వెళ్లి వివరాలు సేకరిస్తున్నారు. ఇంటి యాజమాని వివరాలతోపాటు కులం, నిర్మాణం, ఆస్తి ఎలా వచ్చింది వంటి 52 రకాల అంశాలను నమోదు చేస్తున్నారు.

హైదరాబాద్ చందానగర్ సర్కిల్ పరిధిలో మున్సిపల్ రెవెన్యూ, అవుట్​సోర్సింగ్​ సిబ్బందితో పాటు పలు విభాగాలకు చెందిన వారిని నమోదు ప్రక్రియకు వినియోగించుకుంటున్నారు. ప్రభుత్వం సూచించినట్లు దసరాలోగా ప్రక్రియను పూర్తి చేస్తామని చందానగర్ డిప్యూటీ కమిషనర్ సుదాంశ్​ తెలిపారు.

ఇదీ చూడండి: పటిష్ఠ ఏర్పాట్లు: సివిల్ ప్రాథమిక పరీక్ష ప్రారంభం