కరోనా మహమ్మారిని ఎదుర్కొనేందుకు ప్రభుత్వం అన్ని చర్యలు తీసుకుంటోందని... ప్రజలు కూడా అన్ని జాగ్రత్తలు పాటించాలని ఉపసభాపతి పద్మారావు గౌడ్ పేర్కొన్నారు. సికింద్రాబాద్ పరిధిలో జీహెచ్ఎంసీ సిద్ధం చేసిన సోడియం హైపోక్లోరైడ్ ద్రావణం పిచికారీ వాహనాన్ని డిప్యూటీ స్పీకర్ సీతాఫల్మండి వద్ద ప్రారంభించారు.
కరోనా మహమ్మారి వల్ల ప్రజల ఇబ్బందులు తమను కదిలించి వేశాయని.. ఆక్సిజన్ సిలిండర్ల పంపిణీకి అన్ని ఏర్పాట్లు, చర్యలు తీసుకుంటున్నామని తెలిపారు. జీహెచ్ఎంసీ అధికార యంత్రాంగం అప్రమత్తంగా ఉండాలని... పరిసరాల పరిశుభ్రతకు అధిక ప్రాముఖ్యత కల్పించాలని ఆదేశించారు. ఫీవర్ సర్వేను అన్ని కాలనీలు, బస్తీల్లో నిర్వహించాలని అన్నారు.
ఇదీ చదవండి : ఏపీ నుంచి వచ్చే కొవిడ్ రోగులను అనుమతించని పోలీసులు
