శ్రీకాకుళం జిల్లాకు చెందిన రంజీ మాజీ ఆటగాడు నాగరాజు... కేటీఆర్ పీఏ తిరుపతి రెడ్డిగా చెప్పుకుంటూ... అతని మొబైల్ నంబర్ను ట్రూ కాలర్లో కేటీఆర్ పీఏ తిరుపతిగా మార్చుకొని... గత ఏడాది ఓ కంపెనీ సీఎండీకి ఫోన్ చేశాడు.
తనను తాను కేటీఆర్ పీఏగా పరిచయం చేసుకుని.. బ్రిటన్లో జరగనున్న టీమ్ ఇండియా అండర్-25 క్రికెట్ వరల్డ్ కప్కు నాగరాజు అనే నిరుపేద ఆటగాడు సెలెక్ట్ అయ్యాడంటూ తెలిపాడు. అతనికి క్రికెట్ కిట్ కోసం రూ.3 లక్షల 40 వేలు స్పాన్సర్ చేస్తే... ఆ కిట్ల పై మీ కంపెనీ లోగో ఉంటుందని, పబ్లిసిటీ వస్తుందని నమ్మబలికాడు.
ట్రూ కాలర్లో ఫోన్ నంబర్ కేటీఆర్ పీఏ అని రావడం వల్ల సదరు కంపెనీ సీఎండీ అతడు ఇచ్చిన అకౌంట్లోకి రూ.3 లక్షల 40 వేలు ట్రాన్స్ ఫర్ చేశారు. కొన్నిరోజులకు మరోసారి సీఎండీకి ఫోన్ చేసి కేటీఆర్ ముఖ్యమంత్రిగా ప్రమాణస్వీకారం చేయనున్నట్లు తెలిపాడు. తాను పీఏ అయినందు వల్ల ముందే సమాచారం వచ్చిందని... ఫిబ్రవరిలో ఎల్బీ స్టేడియంలో జరగనున్న ఈ కార్యక్రమానికి మీ కంపెనీకి స్పాన్సర్ ఇప్పిస్తానని తెలిపాడు.
అందుకు గాను అతని స్నేహితుడు రాజమండ్రిలోని ఓ ఆస్పత్రిలో చికిత్స పొందుతున్నాడని... అతని చికిత్స నిమిత్తం రూ.2 లక్షలు పంపాలంటూ కోరాడు. మరోసారి డబ్బులు అడగడం వల్ల అనుమానం వచ్చిన సీఎండీ.. నాగరాజు అనే క్రికెటర్ గురించి గూగుల్లో సెర్చ్ చేశాడు. నాగరాజుపై గతంలో పలు చీటింగ్ కేసులు నమోదయ్యాయని తెలిసింది.
గత ఏడాది డిసెంబర్లో సైబర్ క్రైమ్లో ఆ సంస్థ క్లర్క్ ఫిర్యాదు చేశాడు. అతని ఫిర్యాదుతో కేసు నమోదు చేసుకున్న సైబర్ క్రైమ్ పోలీసులు నాగరాజు మొబైల్ నంబర్ ఆధారంగా విశాఖపట్నంలో శుక్రవారం అరెస్ట్ చేశారు. శనివారం అతన్ని మేజిస్ట్రేట్ ముందు హాజరుపరిచి రిమాండ్కు తరలించినట్లు సైబర్ క్రైమ్ ఏసీపీ ప్రసాద్ తెలిపారు.
ఇదీ చూడండి: ప్లాస్టిక్ నిషేధంపై రామవరప్పాడులో కలెక్టర్ అవగాహన
