దేవుని కుంట భూములను కాపాడాలని సీపీఎం ధర్నా

ఆక్రమణకు గురైన దేవుని కుంట భూములను కబ్జాదారుల నుంచి కాపాడాలని సీపీఎం నాయకులు డిమాండ్​ చేశారు. నాంపల్లిలోని కలెక్టరేట్​ ముందు ధర్నాకు దిగారు. ప్రభుత్వం చొరవ చూపి నిందితులను కఠినంగా శిక్షించాలని విజ్ఞప్తి చేశారు.

హైదరాబాద్ నగరంలో కబ్జాకు గురవుతున్న చెరువులు, కుంటలను పరిరక్షించాలని సీపీఎం డిమాండ్ చేసింది. ఆసిఫ్​నగర్​లోని దేవుని కుంటలో జరుగుతున్న భూ ఆక్రమణలను నిరోధించాలని సీపీఎం నాయకులు... నాంపల్లిలోని కలెక్టరేట్ ముందు ధర్నా నిర్వహించారు. దేవుని కుంట ఆలయానికి అప్పట్లో 11 ఎకరాల భూమి ఉండగా... ప్రస్తుతం అది 5 ఎకరాలకు తగ్గిపోయిందని ఆరోపించారు. కొందరు రెవెన్యూ అధికారులతో కుమ్మక్కై ఆక్రమణలకు తెగించారన్నారు. ఇప్పటికైనా ప్రభుత్వం చొరవ చూపి కబ్జాదారులపై కఠిన చర్యలు తీసుకోవాలని కోరారు.

ఇదీ చూడండి : పేదల కోటా వ్యతిరేక వ్యాజ్యాలపై విచారణ వాయిదా