cpi: కరోనా కేసుల వాస్తవ లెక్కలను ప్రకటించడంలేదు

దేశంలో కరోనా కేసులు తగ్గుతున్నాయని ప్రచారం చేస్తున్నారే తప్ప, వాస్తవ లెక్కలు చెప్పడం లేదని సీపీఐ(cpi) రాష్ట్ర కార్యదర్శి చాడ వెంకట్​ రెడ్డి అన్నారు. మరణాల సంఖ్య పెరుగుతున్నా కేంద్రం నిర్లక్ష్యం చేస్తోందని ఆరోపించారు.

కరోనా కేసుల వివరాలు సరిగ్గా లేవని సీపీఐ(cpi) రాష్ట్ర కార్యదర్శి చాడ వెంకట్​ రెడ్డి అన్నారు. దేశవ్యాప్తంగా కొవిడ్ కేసుల సంఖ్య తగ్గుతుందని పాలకులు ప్రచారం చేస్తున్నారే తప్ప వాస్తవ లెక్కలను ప్రకటించడంలేదని ఆరోపించారు.

మరణాల సంఖ్య రోజు రోజుకు పెరిగిపోతున్నా కేంద్రం నిర్లక్ష్యంగా వ్యవహారిస్తోందని మండిపడ్డారు. బ్లాక్‌, ఎల్లో, వైట్​ ఫంగస్‌ విస్తరిస్తుంటే ఏం చేస్తున్నారని ప్రశ్నించారు. తెలంగాణలో కరోనా విస్తరిస్తున్న నేపథ్యంలో పల్లెపల్లెకు ఐసోలేషన్‌ సెంటర్‌ ఏర్పాటు చేయాలని డిమాండ్‌ చేశారు. ప్రైవేట్‌ టీచర్ల మాదిరిగా చిరుఉద్యోగులను ప్రభుత్వం ఆదుకోవాలని విజ్ఞప్తి చేశారు.

ఇదీ చదవండి: Covid Query: ఫోన్‌కాల్‌ దూరంలో... వైద్య సలహాలు!