ఆ దాడి వెనుక ప్రభుత్వ హస్తం ఉంది: నారాయణ

ఉస్మానియా విశ్వవిద్యాలయం విద్యార్థి సురేష్ యాదవ్​పై బాల్క సుమన్ అనుచరుల దాడిని సీపీఐ నాయకులు నారాయణ ఖండించారు. ప్రభుత్వమే ఆ దాడి చేయించిందని ఆరోపించారు. సురేష్ యాదవ్​కు తగిలిన గాయాలను పరిశీలించి ఆయనను పరామర్శించారు.

ఓయూలో విద్యార్థి సురేష్ యాదవ్​పై బాల్క సుమన్ అనుచరుల దాడిని ఖండిస్తూ సీపీఐ జాతీయ నాయకులు నారాయణ ఆ విద్యార్థిని పరామర్శించారు. ఉస్మానియా ఆర్ట్స్ కాలేజీ ముందు సురేష్ యాదవ్​కు తగిలిన గాయాలను పరిశీలించారు.

సురేష్ యాదవ్​పై దాడికి తెగబడ్డ వారిపై క్రిమినల్ కేసు నమోదు చేసి వెంటనే వారిని అరెస్ట్ చేయాలని ఆయన డిమాండ్ చేశారు. ఇలాంటి ఘటనలు పునరావృతం అయితే పెద్ద ఎత్తున ఉద్యమిస్తామని ప్రభుత్వాన్ని హెచ్చరించారు. ఆ దాడి ప్రభుత్వమే చేయించిందని ఆరోపించారు.

ఇదీ చూడండి : లైవ్​ వీడియో: ఆడుకుంటున్న చిన్నారిని ఢీకొట్టిన కారు