కరోనాపై పోరాటంలో అమరులైన పోలీసులకు సీపీ, అధికారుల నివాళి

కరోనాతో మృతి చెందిన పోలీసు కుటుంబాలకు అండగా నిలుస్తామని హైదరాబాద్‌ నగర పోలీస్​ కమిషనర్‌ అంజనీకుమార్‌ వెల్లడించారు. హైదరాబాద్ కమిషనరేట్ పరిధిలో కరోనాతో మృతిచెందిన 34 మంది పోలీసులకు.. సీపీ అంజనీకుమార్‌, ఇతర పోలీసు అధికారులు నివాళులు అర్పించారు.

కరోనాతో మృతి చెందిన పోలీసులకు హైదరాబాద్​ సీపీ అంజనీ కుమార్​, ఇతర అధికారులు నివాళి అర్పించారు. హైదరాబాద్ బషీర్‌బాగ్‌లోని నగర పోలీస్​ కమిషనర్ కార్యాలయంలో ప్రత్యేకంగా స్మారక సమావేశం నిర్వహించారు. ఈ సందర్భంగా మృతుల ఫోటోలతో కూడిన జ్ఞాపికతో పాటు, వారి సేవలను కొనియాడుతూ ముద్రించిన పుస్తకాన్ని మృతుల కుటుంబ సభ్యులకు సీపీ అంజనీకుమార్‌, అదనపు కమిషనర్‌ షిఖా గోయల్‌ అందచేశారు.

అండగా ఉంటాం..

కుటుంబ పెద్దను కోల్పోతే ఆ కుటుంబ పరిస్థితి ఏవిధంగా ఉంటుంది.. వారి ఆర్థిక స్థితిగతులు ఎలా ఉంటాయనే అంశాలను సీపీ గుర్తు చేశారు. మృతుల కుటుంబాలకు పోలీసు శాఖ తరఫున అన్నివిధాల అండగా ఉంటామని హామీ ఇచ్చారు.

ఇదీ చూడండి: ఒత్తిళ్లకు యువత బలి : పరువు తీసి వేధిస్తున్న లోన్​ యాప్స్