కొవిడ్(covid) వల్ల కలిగే ఇబ్బందులపై అవగాహన కల్పించేలా పోలీసులు కృషి చేస్తున్నట్లు హైదరాబాద్ సీపీ అంజనీ కుమార్ తెలిపారు. ట్రాఫిక్ పోలీసుల ఆధ్వర్యంలో ఖైరతాబాద్ కూడలి వద్ద చిత్రీకరించిన కరోనా(corona) బొమ్మను సీపీ పరిశీలించారు. 'ఇంట్లోనే ఉండండి- కరోనా బారిన పడకుండా జాగ్రత్తలు తీసుకోండి' అని రాసి ప్రజలను చైతన్యవంతం చేసేలా ఓ కళాకారుడితో ఈ బొమ్మ గీయించారు. ఈ చిత్రాన్ని చూసిన వాహనదారులకు కరోనా పట్ల అవగాహన కలుగుతుందని అన్నారు. కరోనాకు, ప్రజలకు మధ్య పోలీసులు రక్షణగా ఉన్నట్లు చిత్రాన్ని గీసిన కళాకారుడిని సీపీ ప్రశంసించారు.
ఇదీ చదవండి: TS Lockdown: రేపు కేబినెట్ భేటీ.. లాక్డౌన్పై కీలక నిర్ణయం
