'జంటనగరాల్లో ర్యాలీలు, నిరసనలకు అనుమతి లేదు'

జంటనగరాల్లో రహదారులపై ప్రజలకు ఇబ్బంది కలిగించే ఏ కార్యక్రమానికైనా... అనుమతించేది లేదని నగర పోలీసు కమిషనర్​ అంజనీకుమార్​ స్పష్టం చేశారు. రాజకీయ పార్టీలు ఎవరి కార్యాలయాల్లో వాళ్లు సభలు నిర్వహించుకుంటే అభ్యంతరం లేదని తెలిపారు.

హైదరాబాద్‌లో ర్యాలీలు, నిరసనలు, ఆందోళనలకు అనుమతి లేదని నగర పోలీసు కమిషనర్‌ అంజనీకుమార్‌ స్పష్టం చేశారు. ఈ నెల 28న ట్యాంక్‌బండ్‌, నెక్లెస్‌రోడ్డు పరిసరాల్లో ఎటువంటి కార్యక్రమాలకు అనుమతి ఇవ్వలేదని సీపీ తెలిపారు. నిత్యం రద్దీగా ఉండే జంటనగరాల్లోని రహదారులపై ప్రజలకు ఇబ్బంది కలిగించే విధంగా ర్యాలీలు, సభలు, నిరసనలు నిర్వహిస్తే ఎట్టి పరిస్థితుల్లో ఉపేక్షించేది లేదన్నారు.

ఇవీ చూడండి: అనుమతి ఇవ్వకపోయినా ర్యాలీ నిర్వహిస్తాం: ఉత్తమ్