రాష్ట్రంలో రేపటి నుంచి 324 కేంద్రాల్లో కొవిడ్ వ్యాక్సినేషన్‌ ప్రక్రియ కొనసాగనుంది. తొలిరోజు ఒక్కో కేంద్రంలో 30 మందికి టీకా వేయగా.. ప్రస్తుతం ఆ సంఖ్యను 50 కి పెంచారు. దీనికి సంబంధించిన ఏర్పాట్లను అధికారులు పూర్తి చేశారు. తొలిరోజు కేవలం 140 కేంద్రాల్లో మాత్రమే వ్యాక్సిన్ పంపిణీ చేశారు.
సోమవారం నుంచి హైదరాబాద్లో 42 కేంద్రాల్లో కరోనా టీకా అందించేందుకు అధికారులు ఏర్పాట్లు పూర్తి చేశారు. జిల్లాల వారీగా వ్యాక్సిన్ తీసుకునే వారి జాబితాను ఇప్పటికే సిద్ధం చేశారు. రేపటి నుంచి ప్రతి కేంద్రంలో 50 మందికి సిబ్బంది టీకాలు వేయనున్నారు.
