లాక్‌డౌన్‌ అనంతరం సెప్టెంబరు 7న మెట్రో రైళ్లు పునఃప్రారంభమయ్యాయి. క్రమంగా రోజువారీ ప్రయాణికుల సంఖ్య 2 లక్షలకు చేరింది. మొదట్లో కొవిడ్ రక్షణ చర్యలు పకడ్బందీగా అమలు చేశారు. ప్రయాణికులు పెరుగుతున్న కొద్దీ క్రమంగా జాగ్రత్తలు నీరుగారుతున్నాయి. చాలా స్టేషన్లలో థర్మల్‌ స్కానర్లు అలంకార ప్రాయంగా ఉన్నాయి. శానిటైజర్‌ వచ్చే పరికరం సరిగా పనిచేయడం లేదు. శానిటైజర్‌ అయిపోతున్నా నింపడంలేదు. స్టేషన్‌ సహాయ అధికారులు పట్టనట్లు వ్యవహరిస్తున్నారు. ఫిర్యాదు చేసేందుకు వెళ్లిన వారిపై కొందరు ఏఎస్‌వోలు దురుసుగా ప్రవరిస్తున్నారనే ఫిర్యాదులు ఎల్‌అండ్‌టీ మెట్రోకి అందాయి.
మాస్క్‌లు తీయొద్దని..
రైల్లో మాస్కులు ధరించని వారిపై తోటి ప్రయాణికులు ఫిర్యాదు చేస్తున్నారు. ఒక్కో సీటు వదిలి కూర్చోవాలన్నా.. ఎవరూ పాటించడం లేదని వాపోతున్నారు. కొవిడ్ జాగ్రత్తల దృష్ట్యా ప్రతి స్టేషన్‌లో ఒకవైపే గేట్లు తెరుస్తున్నారు. నాలుగు నెలలవుతున్నా రెండోవైపు తెరవడం లేదు. దీనిపై చాలా ఫిర్యాదులొస్తున్నాయి. చెత్త డబ్బాలను ఎప్పటికప్పుడు శుభ్రం చేయడం లేదు. ● చాలాచోట్ల నీటి అవసరం లేని మరుగుదొడ్లు నిర్వహణ సరిగా లేక కంపుకొడుతున్నాయి.
ఇవీచూడండి: విన్నపాలు బుట్టదాఖలు.. రాష్ట్రాన్ని నిరుత్సాహపరిచిన కేంద్ర బడ్జెట్
