హైదరాబాద్ బాగ్లింగంపల్లి సుందరయ్య విజ్ఞాన కేంద్రం ఓ అరుదైన పెళ్లికి వేదికైంది. ఇద్దరు ప్రేమికులు వివాహం చేసుకుని ఆదర్శంగా నిలిచారు. రాష్ట్ర సమాచార, ప్రసార మంత్రిత్వ శాఖ ఉద్యోగి మధుసూదన్ తన ప్రేయసి మానసను నిరాడంబరంగా వివాహమాడారు. ఈ ఆదర్శ వివాహానికి రాష్ట్ర సాంఘిక సంక్షేమ శాఖ మంత్రి కొప్పుల ఈశ్వర్ హాజరై యువ జంటను ఆశీర్వదించారు. తాను కూడా 37 సంవత్సరాల క్రితం ఎలాంటి ఆడంబరాలు లేకుండా ఆదర్శ వివాహం చేసుకున్నానని పెళ్లినాటి సంగతులు అందరితో పంచుకున్నారు. మంత్రి పెళ్లినాటి ఆదర్శ వివాహ ఆహ్వాన పత్రికను ఫ్రేముగా చేయించి జంటకు కానుకగా ఇచ్చారు. సుందరయ్య విజ్ఞాన కేంద్రం కార్యదర్శి వినయ్ కుమార్ నూతన దంపతులతో ప్రమాణం చేయించి దండలు మార్పించారు.
నిరాడంబర వివాహ మహోత్సవమిది...
