ఆంధ్రప్రదేశ్లో కరోనా మహమ్మారి ఉద్ధృతి కొనసాగుతోంది. గడచిన 24 గంటల్లో 11,775 మంది నమూనాలు పరీక్షించగా 207 పాజిటివ్‌ కేసులు నిర్ధరణ అయినట్టు వైద్య ఆరోగ్యశాఖ బులిటెన్‌లో తెలిపింది. వీటిలో విదేశాలు, పొరుగు రాష్ట్రాలకు చెందిన వారివే 66 ఉండగా.. రాష్ట్రంలో 141 పాజిటివ్‌ కేసులు వచ్చాయి.
పొరుగు దేశాలు, రాష్ట్రాల నుంచి వచ్చిన వారితో కలిపి రాష్ట్రంలో ఇప్పటివరకు మొత్తం 5,636 కేసులు నమోదయ్యాయి. కొవిడ్-19 కారణంగా గడచిన 24 గంటల్లో ఎలాంటి మరణాలు సంభవించలేదు. రాష్ట్రంలో ఇప్పటి వరకు కొవిడ్ కారణంగా మృతి చెందిన వారి సంఖ్య 80. ఇప్పటివరకు వివిధ ఆసుపత్రుల్లో చికిత్స పొంది 2,559 మంది డిశ్చార్జి అయ్యారు. ప్రస్తుతం వివిధ కొవిడ్ ఆసుపత్రుల్లో 1723 మంది చికిత్స పొందుతున్నారు.
ఇదీ చూడండి: సమ్మె విరమించిన గాంధీ జూడాలు
