ఎండ ముప్పు నుంచి.. ఇదో చల్లటి ఉపశమనం!!

ఏపీలోని తూర్పు గోదావరి జిల్లా తుని పట్టణానికి చెందిన ఓ పాలిటెక్నిక్‌ విద్యార్థి.. చల్లని గాలినిచ్చే శిరస్త్రాణాన్ని రూపొందించాడు. శిరస్త్రాణం తలపై ధరించాక లోపల చెమట పట్టకుండా గాలి వీచేందుకు బ్లోయర్‌ ఏర్పాటు చేశారు.

చల్లటి గాలి వీచే శిరస్త్రాణాన్ని రూపొందించాడు ఆంధ్రప్రదేశ్​లోని తూర్పు గోదావరి జిల్లా తుని పట్టణానికి చెందిన పాలిటెక్నిక్‌ విద్యార్థి తిరుమలనేడి సాయి. శిరస్త్రాణానికి ముందు చిన్న ఫ్యాన్‌, తలపై ధరించాక లోపల చెమట పట్టకుండా గాలి వీచేందుకు బ్లోయర్‌ ఏర్పాటు చేశారు.

రెండు వైపులా సోలార్‌ ప్యానెళ్లతో బ్యాటరీ ఛార్జింగ్‌ అవుతుంది. దీని తయారీ కోసం హెల్మెట్‌, 12 వాట్‌ల సామర్థ్యం కలిగిన రెండు సోలార్‌ ప్యానెళ్లు, కంప్యూటర్‌ సీపీయూ ఫ్యాన్‌, రెండు 9 వాట్‌ల రీఛార్జిబుల్‌ బ్యాటరీలు వినియోగించినట్లు సాయి వివరించారు.

ఇదీ చదవండి: ఇవీ అస్తవ్యస్త రోగనిరోధక వ్యవస్థ లక్షణాలే!