నిత్యం ప్రజలకు సేవ చేస్తూ బిజీగా గడిపే కంటోన్మెంట్ అధికారులు సరదాగా క్రికెట్ మ్యాచ్ ఆడారు. సికింద్రాబాద్ బొల్లారంలో కంటోన్మెంట్ పార్కులో జరిగిన క్రికెట్ మ్యాచ్లో అధికారులు అద్భుత ఆటతీరును ప్రదర్శించారు. అడ్మిన్ అటాకర్స్, హెల్త్ టీం జట్ల మధ్య ఫైనల్ జరిగింది.
హెల్త్ టీం 10 ఓవర్లలో 73 పరుగులు సాధించగా.. అడ్మిన్ అటాకర్స్ 73 పరుగుల లక్ష్యాన్ని ఛేదించి విజయం సాధించింది. ఈ మ్యాచ్లో కంటోన్మెంట్ సీఈవో అజిత్ రెడ్డి సిక్సర్లతో ఆకట్టుకున్నారు. బౌలింగ్ ప్రదర్శనతో రెండు వికెట్లు పడగొట్టి ఉత్తమ ప్రదర్శన కనబరిచారు. ఈ మ్యాచ్లో డిప్యూటీ సీఈఓ బాల నాయర్, ఎన్నికల విభాగం అధికారి పరశురామ్, సానిటరీ ఇన్స్పెక్టర్ మహేందర్, నీటి విభాగానికి చెందిన రాజ్ కుమార్, దేవేందర్, కంటోన్మెంట్ స్టాఫ్ పాల్గొన్నారు .
