సెలక్టయిన కానిస్టేబుల్ అభ్యర్థులకు శిక్షణ తరగతులు నిర్వహించాలని డిమాండ్ చేస్తూ .. కానిస్టేబుల్ అభ్యర్థులు హైదరాబాద్లోని డీజీపీ కార్యాలయం ముట్టడికి యత్నించారు. లక్డీకాపూల్లోని డీజీపీ కార్యాలయానికి ర్యాలీగా వెళ్తున్న వారిని రవీంద్రభారతి వద్ద పోలీసులు అడ్డుకున్నారు. వారిని అరెస్ట్ చేసి రాంగోపాల్పేట పోలీస్స్టేషన్కు తరలించారు.
ఏఆర్, సివిల్ అభ్యర్థులకు ఒక న్యాయం, తమకో న్యాయమా అంటూ కానిస్టేబుల్ అభ్యర్థులు ప్రశ్నించారు. సెలక్టయి నెలలు గడుస్తున్నా ట్రైనింగ్ ఇవ్వకుండా కాలయాపన చేస్తున్నారని అభ్యర్థులు ఆవేదన వ్యక్తం చేశారు. ఉద్యోగం కోసం ఎదురుచూసి ఇప్పటికే ముగ్గురు చనిపోయారని.. తక్షణమే తమకు శిక్షణ తరగతులు ప్రారంభించాలని డిమాండ్ చేశారు.
