నడుస్తున్న ఆటోలో మంటలు.. పూర్తిగా దగ్ధం

నడుస్తున్న ఆటోలో ఒక్కసారిగా మంటలు చెలరేగాయి. అప్రమత్తమైన డ్రైవర్​ ప్రయాణికులను దింపేసి రక్షించాడు.

హైదరాబాద్ నాంపల్లిలో నడుస్తున్న ఓ ఆటోలో అకస్మాత్తుగా మంటలు చేలరేగాయి. అప్రమత్తమైన డ్రైవర్ రహ్మెత్ అలీ వెంటనే ఆటోను అక్కడే నిలిపి వేసి... ప్రయాణికులను దింపడం వల్ల పెను ప్రమాదం తప్పింది. వెంటనే అక్కడున్న స్థానికులు అగ్నిమాపక సిబ్బందికి సమాచారం ఇచ్చారు.

సంఘటన స్థలానికి చేరుకున్న అగ్నిమాపక సిబ్బంది మంటలు మరింత వ్యాపించకుండా అదుపులోకి తీసుకువచ్చారు. అప్పటికే ఆటో పూర్తిగా అగ్నికి ఆహుతి అయ్యింది. సీఎన్జీ గ్యాస్​ ఉన్న ఆటో అయినందున మంటలు త్వరగా చేలరేగి ఆటో దగ్ధమైనట్లు సిబ్బంది తెలిపారు.

ఇవీ చూడండి: ఎర్రబెల్లి కాన్వాయి వాహనం బోల్తా.. ఇద్దరు దుర్మరణం