సోషల్ మీడియాలో అశ్లీల వీడియోలు అప్లోడ్ చేస్తున్న వారిపై చర్యలు తీసుకోవాలని ప్రోగ్రెసీవ్ యూత్ లీగ్ నాయకులు హైద్రాబాద్ సీసీస్ పోలీసులకు ఫిర్యాదు చేశారు. పలువురు సెలెబ్రిటీల ఫ్యాన్స్ పేరుతో ఫేస్ బుక్లో నకిలీ అకౌంట్లు క్రియేట్ చేసి అసభ్యకరమైన పోస్టులు చేస్తున్నారంటూ వారు ఫిర్యాదులో పేర్కొన్నారు.
ప్రముఖ యాంకర్ అనసూయ భరద్వాజ్ ఫ్యాన్స్, తెలుగు బ్యూటీ వంటి ఫేస్బుక్ గ్రూపులు నిర్వహిస్తున్నారని, షేర్ చాట్, విడ్ స్టేటస్ వంటి యాప్ల ద్వారా సైతం అశ్లీల వీడియోలు అప్లోడ్ చేస్తూ యువతను తప్పు దారి పట్టిస్తున్నారని పేర్కొన్నారు. ఇలాంటి అసభ్యకరమైన పోస్టింగ్ల ద్వారా యువత, పిల్లలు చెడు మార్గాల వెపు వెళ్తూ, భవిష్యత్తును నాశనం చేసుకుంటున్నారని ఆవేదన వ్యక్తం చేశారు. ఈ తరహా వీడియోలు పెడుతున్న గ్రూప్ అడ్మిన్ లపై, షేర్ చేస్తున్న నెటిజన్లపై చట్టపరమైన చర్యలు తీసుకోవాలని సైబర్ క్రైం పోలీసులను కోరారు.
ఇదీ చూడండి : 'నంబర్' ప్లేటు మార్చాడు... పట్టుబడ్డాడు
