Coffee Face Mask For Health Skin Telugu : ముఖం పొలుసులుగా ఊడిపోవడం, ఉబ్బినట్లుగా తయారవడం, జిడ్డుగా ఉండడం.. ఇలా మీకు ఎప్పుడైనా అనిపించిందా.. దాన్ని తగ్గించుకునేందుకు పరిష్కారమార్గాల కోసం వెతుకున్నారా..ఈ సమస్యతో ఇబ్బంది పడుతున్నవారికి కాఫీ స్రబ్ లేదా ఫేస్మాస్క్ మంచి ఉపశమనం కలిగిస్తుందని నిపుణులు చెబుతున్నారు.
ఇందుకోసం కావాల్సినవి పదార్థాలు..
- పాలు - టీస్పూన్
- తేనె - టీస్పూన్
- ఆలివ్‌ నూనె - టీస్పూన్
- బ్రౌన్ షుగర్ - ఒకటిన్నర స్పూన్లు
- బరకగా దంచిన కాఫీ పొడి - 2 టీస్పూన్లు
మెరిసిపోయే చర్మం కోసం.. ఈ హోమ్ మేడ్ పేస్ట్ ట్రై చేయండి..
ఒక బౌల్ తీసుకుని అందులో పైన తెలిపిన పదార్ధాలు అన్ని వేసి పేస్ట్లా కలపాలి. ఈ మిశ్రమాన్ని ముఖానికి గుండ్రంగా రుద్దుతూ అప్లై చేసుకోవాలి. 20 నిమిషాల పాటు అలాగే ఉంచుకొని.. ఆపై చల్లటి నీటితో కడుక్కోవాలి. అనంతరం ముఖంలో వచ్చిన మార్పు(Face Changes)ను మీరు గమనించవచ్చు. కాఫీ ఫేస్ మాస్క్ ఉబ్బిన ముఖాన్ని తిరిగి సాధారణ స్థితికి తెస్తుంది. ముఖాన్ని మృదువుగా.. అందంగా మారుస్తుంది. ముఖానికే కాకుండా బాడీ స్క్రబ్గా కూడా వాడొచ్చు.
వర్షాకాలంలో చర్మం జాగ్రత్త! ఈ ఇంటి చిట్కాలతో సౌందర్యం పెంచుకోండి!
Uses of Coffee Face Mask in Telugu : ఈ ఫేస్మాస్క్ తయారుచేసుకోవడం ఎంతో సులభంగా ఉంది కదూ! అంతేకాదు.. ఇందులో వాడిన పదార్థాల్లో బోలెడన్ని సౌందర్య రహస్యాలు కూడా దాగున్నాయి. మరి ఏ పదార్థం ఎందుకు మీ చర్మానికి ఎలాంటి మేలు చేస్తుందంటే..?
- ఈ కాఫీ స్క్రబ్లో కలిపిన బ్రౌన్ షుగర్ చర్మం పొలుసులుగా ఊడిపోకుండా ఆపేందుకు ఉపయోగపడుతుంది. యవ్వనంగా కనిపించేలా చేస్తుంది. మృతకణాల్ని తొలగిస్తుంది. ఇందులోని యాంటీ బ్యాక్టీరియల్ గుణాలు.. గ్లైకోలికామ్లం చర్మాన్ని ప్రకాశవంతంగా తయారు చేసేందుకు సహకరిస్తాయి.
- కాఫీలో ఉండే యాంటీ ఆక్సిడెంట్లు చర్మంపై కాలుష్య ప్రభావం చూపకుండా అడ్డుకుంటాయి. ఫలితంగా నవయవ్వనంగా మెరిసిపోవచ్చు. డార్క్ సర్కిల్, మొటిమలు వంటి వాటిని తగ్గించే సామర్థ్యం ఈ కాఫీమాస్క్కు ఉంది.
- తేనెలోని యాంటీ మైక్రోబియల్‌ గుణాలు మొటిమల్ని తగ్గించడంలో సహకరిస్తాయి. అలాగే మృతకణాలు, ముఖంపై ముడతలు-గీతల్ని తగ్గించే శక్తి తేనె సొంతం.
- పొడిబారిన చర్మానికి సాంత్వన చేకూర్చడంలో పాలది మొదటి స్థానం. ఇందుకు పాలలోని ‘ఎ’ విటమిన్‌ తోడ్పడుతుంది. ఇక ఇందులోని ‘డి’ విటమిన్‌ ముఖంపై ఉన్న గీతల్ని, చిన్న చిన్న ముడతలను తగ్గించడంతో పాటు.. చర్మం సాగే గుణాన్ని అభివృద్ధి చేస్తోంది.
- ఆలివ్‌ నూనె చర్మానికి సహజసిద్ధమైన మాయిశ్చరైజర్‌గా పనిచేస్తుంది. అలాగే ఇందులో ఉండే విటమిన్లు A, D, E, K చర్మ ఆరోగ్యానికి చాలా అవసరం. ఈ నూనెలోని యాంటీ బ్యాక్టీరియల్ లక్షణాలు వాతావరణంలోని బ్యాక్టీరియా ప్రభావం శరీరంపై పడకుండా రక్షిస్తాయి.
గ్లోయింగ్ స్కిన్ కావాలా? మీ డైట్లో ఈ చిన్న మార్పులు చేస్తే సరి!
చర్మం పొడిబారుతోందా?.. చుండ్రు సమస్య వెంటాడుతోందా?.. అయితే ఈ టిప్స్ మీకోసమే!
