TS Cabinet Meeting at Secretariat : సీఎం కేసీఆర్ అధ్యక్షతన నూతన సచివాలయంలో రాష్ట్ర మంత్రివర్గ సమావేశం ముగిసింది. దాదాపు మూడు గంటలపాటు సాగిన సమావేశం జరిగింది. కొత్త సచివాలయం నిర్మించిన తర్వాత జరుగుతున్న.. తొలి భేటీగా ఈ సమావేశం నిలువనుంది. ఈ సందర్భంగా సీఎం కేసీఆర్ కొన్ని ముఖ్యమైన విషయాలపై చర్చించే అవకాశం ఉంది. రాష్ట్ర అవతరణ దశాబ్ది ఉత్సవాలపై ప్రధానంగా చర్చించనున్నారు. పోడు పట్టాలు, గృహలక్ష్మి, ఇళ్ల పట్టాల పంపిణీ, ఇతర అంశాలపై కూడా చర్చ జరగనుంది. ఈ ఏడాది చివరన జరిగే రాష్ట్ర శాసనసభ ఎన్నికల సన్నాహక ప్రణాళికపై కేబినెట్లో చర్చించే అవకాశం ఉంది. గతంలో తీసుకున్న నిర్ణయాలకు మంత్రివర్గ సమావేశంలో ఆమోద ముద్ర వేయనున్నారు. అలాగే గవర్నర్ తిరస్కరించిన బిల్లులపై ఈ భేటీలో చర్చించే అవకాశం ఉన్నట్లు తెలుస్తోంది.
దశాబ్ది ఉత్సవాలపై ప్రత్యేక చర్చ..: జూన్ 2 నుంచి 21 రోజుల పాటు.. రాష్ట్ర అవతరణ దశాబ్ది ఉత్సవాలను నిర్వహించేందుకు ప్రభుత్వం ఏర్పాట్లను చేస్తోంది. ఈ ఉత్సవాలను ప్రజల వద్దకు తీసుకొని వెళ్లే విధంగా చర్యలు చేపట్టాలని ప్రభుత్వం భావిస్తోంది. అలాగే రాష్ట్రంలో జరుగుతున్న అభివృద్ధి, సంక్షేమం అమలు గురించి ఉత్సవాల్లో భాగంగా ప్రతి ఒక్కరికీ చాటి చెప్పాలని మొదటి నుంచీ సీఎం కేసీఆర్ పార్టీ శ్రేణులకు తెలుపుతూ వస్తున్నారు. అయితే మంత్రులకు కూడా ఆ దిశలో దిశానిర్దేశం చేయనున్నారు. ఉత్సవాల కార్యాచరణ.. ప్రణాళికను మంత్రులు, అధికారులతో చర్చించి ఖరారు చేయనున్నట్లు సమాచారం. సచివాలయం ఎదురుగా నిర్మించిన అమర వీరుల స్మారక స్తూపం ప్రారంభ తేదీని ఖరారు చేసే అవకాశం ఉంది.
పేదల ఇళ్ల పట్టాల పంపిణీకి ఆమోదం..! ఈ మంత్రివర్గ సమావేశంలోనే పేద ప్రజలకు ఇళ్ల పట్టాల పంపిణీపై కూడా సీఎం కేసీఆర్ నిర్ణయం తీసుకోనున్నట్లు సమాచారం. అలాగే మెదక్ జిల్లా కొల్చారంలో ప్రముఖ భాషా కవి మల్లినాథ సూరి పేరు మీద సంస్కృత విశ్వ విద్యాలయం ఏర్పాటుపై కేబినెట్ నిర్ణయం తీసుకొనే అవకాశం ఉంది. బుధవారం జరిగిన బీఆర్ఎస్ పార్టీ మీటింగ్లో కల్తీ విత్తనాలను అరికట్టేందుకు ప్రభుత్వం కృషి చేస్తోందని సీఎం కేసీఆర్ తెలిపారు. ఆ దిశగా చర్యలు తీసుకునేందుకు.. దీనిపై కార్యాచరణను సిద్ధం చేసే అవకాశం ఉంది. వీటితో పాటు మంజీరా కార్పొరేషన్ ద్వారా మరో రూ.3300 కోట్లు రుణాల ద్వారా సేకరించేందుకు.. కేబినెట్ ఆమోద ముద్ర వేసే అవకాశం ఉందని సమాచారం. టీఎస్పీఎస్సీలో పోస్టుల భర్తీకి ఆమోద ముద్ర.. నాగల్ కర్నూల్ జిల్లా అచ్చంపేటలో ఎత్తిపోతల పథకానికి కూడా ఆమోద ముద్ర వేసే అవకాశం ఉంది.
ఇవీ చదవండి:
