ఫైనల్​ మ్యాచ్​కు మందు... మ్యాచ్ తర్వాత

నేడు హైదరాబాద్​లో జరగబోయే క్రికెట్ మ్యాచ్​లో ఎలాంటి అవాంఛనీయ ఘటనలు జరగకుండా ఉండేందుకు పోలీసులు కట్టుదిట్టమైన భద్రతా ఏర్పాట్లు చేపట్టారు. ముంబయి, చెన్నై జట్ల మధ్య నేడు తుది పోరు జరగనుంది.

హైదరాబాద్ ఉప్పల్లోని రాజీవ్ గాంధీ అంతర్జాతీయ క్రికెట్ మైదానంలో నేడు ముంబయి, చెన్నై జట్ల మధ్య తుది పోరు జరగనుంది. మ్యాచ్ ప్రశాంతంగా జరిగేలా రాచకొండ పోలీసులు కట్టుదిట్టమైన భద్రతా ఏర్పాట్లు చేపట్టారు. మ్యాచ్​కు ముందు తర్వాత ఆ మార్గంలో భారీ వాహనాలకు అనుమతిని నిరాకరించారు. వరంగల్ జాతీయ రహదారి నుంచి వచ్చే వాహనాలను చెంగిచెర్ల చౌరస్తా వద్ద.. ఎల్బీనగర్ వైపు నుంచి వచ్చే వాటిని నాగోల్ చౌరస్తా వద్ద.. ఈసీఐఎల్ కుషాయిగూడ వైపు నుంచి వచ్చే వాహనాలను ఎన్​ఎఫ్​సీ వంతెన వద్ద మళ్లిస్తారు. రామంతాపూర్ ఉప్పల్ రింగ్​రోడ్డు నుంచి వచ్చే వాహనాలను ఉప్పల్ ఐడిఎలో.. సికింద్రాబాద్ వైపు నుంచి వచ్చే ద్విచక్ర వాహనాలను ఎన్జీఆర్ఐ గోడ పక్కన, కార్లను జెన్​ప్యాక్ ఏరియాలో పార్కింగ్ చేసుకునేలా ఏర్పాట్లు చేసినట్టు ఉప్పల్ ట్రాఫిక్ ఇన్స్పెక్టర్ కాశీ విశ్వనాథ్ తెలిపారు.

ఇవీ చూడండి: అమ్మ ఒక మజిలీ కాదు... జీవిత ప్రయాణం