వరుస చోరీలకు పాల్పడుతున్న ఘరానా దొంగని లంగర్హౌస్ పోలీసులు పట్టుకున్నారు. గత నెల 14న లంగర్హౌస్ పోలీస్స్టేషన్ పరిధిలోని కాకతీయనగర్లో ద్విచక్ర వాహనం పోయిందనీ కేసు నమోదు చేశారు. ఈ కేసుకు సంబంధించి సీసీటీవీ ఫుటేజ్ ఆధారంగా టమాటా పవన్ సింగ్(20) అనే ఓ నిందితుడిని పట్టుకున్నారు. అతనిని విచారించగా గతంలో 17 కేసులలో జైలుకెళ్లి వచ్చాడని తెలుసుకున్నారు. ఇంకా అతనిపై 6 పెండింగ్ కేసులు ఉన్నాయని ఏసీపీ నరసింహారెడ్డి తెలిపారు. నిందితుని వద్ద నుంచి రెండు ద్విచక్ర వాహనాలు, నాలుగు తులాల బంగారం, 750 గ్రాముల వెండి పోలీసులు స్వాధీనం చేసుకున్నారు.
17 కేసులలో జైలుకెళ్లొచ్చి.. మళ్లీ దొంగతనం
ఇదీ చూడండి : 'దమ్ముంటే విభజన హామీలు నెరవేర్చండి'
