'అన్ని రంగాలకు మేలు చేసే బడ్జెట్​ ఇది'

కేంద్ర ఆర్థిక శాఖ మంత్రి నిర్మలా సీతారామన్​ ప్రవేశపెట్టిన పద్దు అన్నిరంగాల ప్రజలకు మేలు చేసే విధంగా ఉందని కేంద్ర మంత్రి కిషన్​రెడ్డి, ఎంపీ బండి సంజయ్​ అభిప్రాయపడ్డారు. ఏ రంగాన్నీ విస్మరించకుండా ఆచరణకు సాధ్యమయ్యే హామీలే బడ్జెట్​లో పొందుపరిచారని తెలిపారు.

పార్లమెంట్​లో ఆర్థిక మంత్రి ప్రవేశపెట్టిన బడ్జెట్​ దేశ ఆర్థిక వ్యవస్థను గాడిన పెట్టడానికి, ప్రపంచ ఆర్థిక వ్యవస్థలో భారత్​ ప్రాధాన్యతను మరింత పెంచడానికి ఉపయోగపడుతుందని కేంద్ర మంత్రి కిషన్​ రెడ్డి, ఎంపీ బండి సంజయ్​ అభిప్రాయపడ్డారు. అన్ని రంగాలకు ఆమోదయోగ్యంగా ఉండే విధంగా పద్దు రూపొందించారని తెలిపారు.

మిషన్​ భగీరథ, కాళేశ్వరం రాష్ట్ర ప్రభుత్వం నిర్ణయించిన ప్రాజెక్టులని, కేంద్రం... రాష్ట్రాలకు కేటాయించిన 42 శాతం డెవల్యూషన్​ నిధుల నుంచే ఆ ప్రాజెక్టులకు నిధులు పంపిణీ చేస్తారని మంత్రి స్పష్టం చేశారు.

• ఇదీ చూడండి : 'భాజపాలో చేరాక నేను నేర్చుకున్న మొదటి నినాదం అదే'