కేంద్ర ప్రభుత్వరంగ ఉద్యోగులు, కార్మిక సంఘాలు ఈనెల 26న చేపట్టిన సార్వత్రికసమ్మెకు తెరాస సంపూర్ణ మద్దతు ఇవ్వనునన్నట్లు ప్రణాళికసంఘం ఉపాధ్యక్షుడు బోయిన్పల్లి వినోద్కుమార్ వెల్లడించారు. బీఎస్ఎన్ఎల్, ఎల్ఐసీ, కార్మిక సంఘాలు ఏర్పాటు చేసిన కార్యక్రమంలో ఆయన పాల్గొన్నారు. ప్రభుత్వరంగ సంస్థలను కేంద్రం నిర్వీర్యం చేస్తోందని ఆయన ఆరోపించారు.
దేశసంపద ప్రైవేటుపరం:
5జీ సేవలను బీఎస్ఎన్ఎల్కు అప్పగించకుండా ఊపిరి తీస్తున్నారని మండిపడ్డారు. దేశ సంపదను కాపాడాల్సిన మోదీ ప్రభుత్వం ప్రైవేట్ సంస్థలకు ధారాదత్తం చేస్తోందని విమర్శించారు. రైల్వేను సైతం ప్రైవేటుకు అప్పగించడం ఆశ్చర్యం కలిగిస్తోందన్నారు.
దేశంలోనే సురక్షిత నగరం:
శాంతి భద్రతల విషయంలో హైదరాబాద్ దేశంలోనే సురక్షిత నగరమని ఆయన పేర్కొన్నారు. ఆరేళ్ల పాలనలో ఒక్కరోజు కూడ కర్ఫ్యూ విధించలేదని తెలిపారు. దేశంలోని చాలా రాష్ట్రాల ప్రజలు నగరంలో శాంతిభద్రతల మధ్య జీవిస్తున్నారని వినోద్కుమార్ అన్నారు. ఈ సమావేశంలో బీఎస్ఎన్ఎల్ ఉద్యోగుల సంఘం అధ్యక్షుడు సంపత్రావు, సాంబశివరావు, సుశీల్ కుమార్, చంద్రమౌళి, ఎల్ఐసీ ఉద్యోగుల సంఘం నాయకులు, తదితరులు పాల్గొన్నారు.
