Case on Rajasingh: గోషామహల్ ఎమ్మెల్యే రాజాసింగ్పై మంగళ్హాట్ పోలీస్ స్టేషన్లో కేసు నమోదైంది. తెలంగాణ ఎన్నికల కమిషన్‌ ఆదేశాల మేరకు పోలీసులు కేసు నమోదు చేశారు. ఉత్తర్ప్రదేశ్ అసెంబ్లీ ఎన్నికల సందర్భంగా అనుచిత వ్యాఖ్యలు చేసిన ఆయనపై చర్యలు తీసుకోవాలని రాష్ట్ర ఎన్నికల ప్రధానాధికారికి కేంద్ర ఎన్నికల సంఘం (ఈసీ) ఆదేశాలు జారీచేసింది.
ఉత్తర్ప్రదేశ్ ఎన్నికల్లో యోగికి ఓటు వేయకుంటే బుల్డోజర్లను ఎదుర్కోవాల్సి వస్తుందని ఓటర్లను ఉద్దేశిస్తూ రాజాసింగ్ వీడియోను విడుదల చేశారు. ఎన్నికల తరువాత వారిని గుర్తిస్తామని... బుల్డోజర్లు ఎందుకు వాడతారో తెలుసుగా అంటూ వీడియోలో హెచ్చరించారు. ఈ విషయంపై రాజాసింగ్ వివరణ ఇవ్వాలని ఇటీవల ఈసీ నోటీసులు ఇచ్చింది. ఈనెల 19వ తేదీ మధ్యాహ్నం ఒంటిగంటలోగా సమాధానమివ్వాలని రాజాసింగ్కు స్పష్టం చేసింది. గడువులోగా సమాధానం రాకపోవడం వల్ల తెలంగాణ ఎన్నికల కమిషన్‌ ఆదేశాల మేరకు మంగళ్హాట్ పోలీసులు పలు సెక్షన్ల కింద కేసు నమోదు చేశారు.
MLA Rajasingh News: మరోవైపు తాను ఎలాంటి తప్పు మాట్లాడలేదన్నారు రాజాసింగ్. అఖిలేష్యాదవ్‌ అధికారంలోకి వస్తే ఏమవుతుంది? యోగీ ఆదిత్యానాథ్ ప్రభుత్వం వస్తే ఏమవుతుంది? అనే విషయాలనే ప్రస్తావించానని వివరించారు. అఖిలేష్ యాదవ్‌ ప్రభుత్వ హాయంలో హిందువులు, రైతుల భూములను కబ్జాలు చేశారని ఆరోపించారు. కబ్జాలు చేసిన స్థలాల్లో యోగి ప్రభుత్వం పేదలకు లక్షల ఇళ్లు కట్టించిందని.. ఈ విషయాన్నే మాట్లాడానని పేర్కొన్నారు. యోగి ఆదిత్యానాథ్ మరోసారి ముఖ్యమంత్రి కావాలన్న సంకల్పంతో రాజస్థాన్లోని ఉజ్జయినిలో మూడు రోజుల పూజా కార్యక్రమం తలపెట్టినట్టు తెలిపారు.
ఇదీస చూడండి: MLA Raja Singh Response: ఈసీ నోటీసులపై ఎమ్మెల్యే రాజాసింగ్ ఏమన్నారంటే..?
