క్యాన్సర్​ని జయించిన 108 మంది కథల పుస్తకం

అత్యంత ప్రమాదకరమైన వ్యాధుల్లో క్యాన్సర్ ఒకటి. ఆరంభ దశలోనే గుర్తించగలిగితే తగిన చికిత్స చేసి నివారించవచ్చు. లేదంటే అది ప్రాణాంతకంగా మారుతుంది. అలాంటి క్యాన్సర్​ని జయించిన 108 మంది వ్యక్తుల కథలతో ఒక పుస్తకంను నగరంలో విడుదల చేశారు.

క్యాన్సర్ మహమ్మారి.. మనిషిని శారీరకంగానే కాదు.. మానసికంగానూ దెబ్బతీసే వ్యాధి. అయితే అలాంటి క్యాన్సర్​ను జయించిన 108 మంది వ్యక్తుల కథలతో ఒక పుస్తకంను ప్రముఖ ఆంకాలజిస్ట్ డాక్టర్ విజయ ఆనంద్​రెడ్డి రచించారు. ఈ పుస్తకావిష్కరణ కార్యక్రమం నగరంలో ఘనంగా నిర్వహించారు. ప్రముఖ నటి రకుల్ ప్రీత్​సింగ్, అపోలో హాస్పిటల్స్ జాయింట్ మేనేజింగ్ డైరెక్టర్ సంగీతా రెడ్డి, మాజీ స్పిన్ బౌలర్ వెంకటపతి రాజు సంయుక్తంగా ఈ పుస్తకాన్ని ఆవిష్కరించారు. తాము సినిమాల్లో కేవలం మానసికంగా బలవంతులుగా నటిస్తామని, నిజంగా క్యాన్సర్​ను జయించిన వారే నిజమైన హీరోలని రకుల్ పేర్కొన్నారు. స్నేహితుల దినోత్సవం రోజున ఇలాంటి పుస్తకాన్ని ఆవిష్కరించటం ఆనందంగా ఉందని సంగీతారెడ్డి తెలిపారు. వైద్యులను స్నేహితులుగా చూడాలని కోరారు.

ఇదీ చూడండి : పిల్లలకు తల్లిపాలే ఎంతో శ్రేష్ఠం