స్వీపర్గా వచ్చి ఓనర్‌రయ్యాడు:
బాబురావుది పాత ఆదిలాబాద్ జిల్లా దహేగాం మండలంలోని లగ్గం గ్రామం. ఉపాధి కోసం చిన్నతనంలోనే కింగ్ కోఠిలోని రాక్సీ హోటల్లో సర్వీస్ బాయ్గా చేరాడు. అక్కడే ఓ వ్యక్తికి బాబురావు పనితనం నచ్చింది. రెడ్హిల్స్లోని కేఫ్ నీలోఫర్ టీ అండ్ బేకరీకి తీసుకెళ్లి పనిచ్చాడు. అంచలంచెలుగా ఎదుగుతూ ఆ కేఫ్కు యజమానయ్యారు. ఇదంతా అంత సులభంగా జరగలేదు. 40 ఏళ్ల క్రితం స్వయంగా టీ పొడి తయారు చేయించడం, చిక్కటి పాలతో చవక ధరకే టీ ఇవ్వడం మొదలుపెట్టాడు. మొదట్లో నష్టాలు వచ్చినా భరించాడు.
సేవాకార్యక్రమాల్లోనూ ముందు:
రెడ్హిల్స్లోనే నాలుగు అంతస్తుల్లో అత్యాధునిక వసతులతో 2016లో నూతన కేఫ్ ఏర్పాటు చేశారు. ఆదాయంలో కొంతభాగం సేవా కార్యక్రమాలకు వెచ్చిస్తున్నారు. ఎంఎన్జే క్యాన్సర్ ఆసుపత్రికి వచ్చే రోగులకు నిత్యం అన్నదానం చేస్తూ తృప్తి పొందుతున్నారు.
కేఫ్లో ఉద్యోగులను సొంత మనుషులుగా చూసుకునే గొప్పగుణం బాబురావుది. యజమాని ఆదరాభిమానాలు చూసి జీవితాంతం ఇక్కడే ఉండి పనిచేసుకుంటామని చెబుతున్నారు కేఫ్ ఉద్యోగులు.
బాబురావు తనయుడు శశాంక్ కూడా తండ్రి బాటలోనే నడుస్తున్నాడు. బీటెక్ పూర్తి చేసిన శశాంక్...నీలోఫర్నుమరింత అభివృద్ధి చేసే దిశగా శ్రమిస్తున్నాడు.
