రేపు మంత్రి మండలి భేటీ... బడ్జెట్​కు ఆమోదం

మంత్రి మండలి సమావేశం ఆదివారం నిర్వహించే అవకాశం ఉంది. ఈ ఆర్థిక సంవత్సరానికి సంబంధించిన బడ్జెట్​కు ఈ సమావేశంలో ఆమోదం తెలపనున్నారు. సోమవారం నుంచి జరిగే శాసన సభ సమావేశాల్లో సీఎం కేసీఆర్​ పూర్తి స్థాయి బడ్జెట్​ను ప్రవేశపెట్టనున్నారు.

రాష్ట్ర మంత్రి మండలి సమావేశం ఆదివారం జరిగే అవకాశం ఉంది. ఈ భేటీలో 2019-20 పూర్తి స్థాయి బడ్జెట్​కు కేబినెట్ ఆమోదం తెలపనుంది. ఈ నెల 9 నుంచి శాసన సభ బడ్జెట్​ సమావేశాలు జరగనున్నాయి. సీఎం కేసీఆర్​ పూర్తి స్థాయి బడ్జెట్​ను శాసనసభలో ప్రవేశపెట్టనున్నారు. నిబంధనల ప్రకారం రాష్ట్ర బడ్జెట్​కు మంత్రి మండలి ఆమోదం తెలపాలి. దీనికి అనుగుణంగా సమావేశాన్ని నిర్వహించనున్నారు. సోమవారం ఉదయం సమావేశం నిర్వహించాలని ప్రతిపాదన ఉన్నా ఆదివారం జరిపేందుకే సీఎం మొగ్గు చూపినట్లు సమాచారం. దీనిపై అధికారిక నిర్ణయం రావాల్సి ఉంది.

ఇదీ చూడండి : మూడు, నాలుగు రోజుల్లో రైతులందరికీ యూరియా: కేసీఆర్