గచ్చిబౌలిలో బల్బుల కలకలం

హైదరాబాద్​ గచ్చిబౌలి పరిధి ఇంద్రానగర్​లో బాంబు కలకలం రేపింది. గుర్తు తెలియని వ్యక్తి వదిలివెళ్లిన బాక్సును చూసి స్థానికులు పోలీసులకు సమాచారం అందించగా.. పోలీసులు తనిఖీలు చేపట్టారు.

హైదరాబాద్‌ గచ్చిబౌలి పరిధిలోని ఇంద్రానగర్‌లో బాంబు ఉందన్న వార్తలు కలకలం రేపాయి. ఓ హోటల్​ వద్ద గుర్తుతెలియని వ్యక్తి వదిలివెళ్లిన బాక్సును చూసి అనుమానించిన స్థానికులు వెంటనే పోలీసులకు సమాచారమిచ్చారు. హుటాహుటిన సంఘటనా స్థలికి చేరుకున్న పోలీసులు బాంబ్​ స్క్వాడ్​ సిబ్బందితో తనిఖీలు చేపట్టారు. ఆ డబ్బాలో బల్బులు మాత్రమే ఉన్నాయని తెల్చారు. ఎలాంటి ప్రమాదం లేదని ప్రజలకు వివరించి బాక్సును స్వాధీనం చేసుకున్నారు.

ఇవీ చూడండి: 'ప్రగతి భవన్​ను ముట్టడిస్తాం'