క్యాన్సర్, డెంగీ తదితర రోగుల కోసం రక్తదాన శిబిరం
మహమ్మద్ ప్రవక్త పుట్టిన రోజు మిలాద్ ఉన్ నబి పండుగ సందర్భంగా హైదరాబాద్ పాతబస్తీ పరిసర ప్రాంతాల్లో అన్నదాన కార్యక్రమాలు చేపట్టారు. పేదవారికి ఆర్థిక సహాయం, నూతన వధువులకు పెళ్లి కానుక, రక్త దాన శిబిరాలను ఏర్పాటు చేశారు. ప్రవక్త శాంతి సందేశాలను వల్లిస్తూ ర్యాలీ చేపట్టారు. క్యాన్సర్, డెంగీ తదితర రోగుల కోసం బహదూర్పుర కిషన్ బాగ్ ప్రాంతంలో సుఫ్అహ్ వెల్ఫేర్ ఎడ్యూకేషన్ అసోసియేషన్ ఆధ్వర్యంలో బ్లడ్ డొనేషన్ క్యాంప్ ఏర్పాటు చేశారు. ముస్లిం యువకులు క్యూలైన్లో నిల్చుని భారీ సంఖ్యలో రక్త దానం చేశారు. నాలుగేళ్లుగా సొసైటీ తరఫున రక్తదాన శిబిరాన్ని నిర్వహిస్తూ రోగులకు ఉచితంగా సేవలు అందిస్తోంది ఈ సంస్థ. రక్తదాతలకు సర్టిఫికెట్లు అందించిన సొసైటీ ప్రెసిడెంట్ హఫెజ్ మహమ్మద్ ఇమ్రాన్ ఖాద్రి..తర్వాత వారిని అభినందించారు.
ఇవీ చూడండి : పాతబస్తీలో పటిష్ఠ బందోబస్తు
