ప్రగతి భవన్లో జరిగే ఉద్యోగ సంఘాల భేటీకి ఉపాధ్యాయులను పక్కన పెట్టడంపై భాజపా రాష్ట్ర భాజపా అధ్యక్షుడు బండి సంజయ్ ఆగ్రహం వ్యక్తం చేశారు. తెలంగాణ ఉద్యమంలో వారి పాత్ర మరువలేనిదని అన్నారు. గ్రేటర్ ఎన్నికల్లో సైతం ఉపాధ్యాయులకు బాధ్యతలు అప్పగించలేదని విమర్శించారు.
ఉపాధ్యాయులపై సీఎం ఎందుకు వివక్ష చూపుతున్నారో సమాధానం చెప్పాలన్నారు. ఉద్యోగులకు ఐదేళ్లకోకసారి పీఆర్సీ ఎందుకు ఇవ్వడం లేదని ప్రశ్నించారు. రాష్ట్రంలో ఉపాధ్యాయులను చర్చలకు ఆహ్వానించి వారి డిమాండ్లు నెరవేర్చాలని డిమాండ్ చేశారు. భాజపా ఎల్లప్పుడు వారికి అండగా నిలుస్తుందని స్పష్టం చేశారు. ఉపాధ్యాయుల పక్షాన నిలిచి వారికి న్యాయం చేసేదాకా పోరాడుతామని బండి సంజయ్ హెచ్చరించారు.
