మజ్లిస్ మత విద్వేషాలు రెచ్చగొట్టే పార్టీ అని మరోసారి రుజువైందని భాజపా అధికార ప్రతినిధి కృష్ణసాగర్ రావు విమర్శించారు. ఎన్ఆర్సీ, సీఏఏ, ఎన్పీఆర్లను ఆధారం చేసుకొని ఎంఐఎం దేశంలో విద్వేషాలను రెచ్చగొడుతుందని ఆరోపించారు. ఎంఐఎంకు తోడు పార్టీలుగా తెరాస, కాంగ్రెస్ మారాయని దుయ్యబట్టారు.
పార్లమెంట్లో మాత్రం లౌకికవాదమా?
యువతితో పాకిస్థాన్ జిందాబాద్ అని నినాదాలు చేయించిన అసదుద్దీన్... పార్లమెంట్లో మాత్రం లౌకికవాదం గురించి ఎందుకు మాట్లాడారని ప్రశ్నించారు. సెక్యులరిజం గురించి చెప్పుకునే కాంగ్రెస్, వామపక్షాలు ఇతర పార్టీలు దీనిపై ఎందుకు మాట్లాడటం లేదని ప్రశ్నించారు.
కేసీఆర్ ఎందుకు స్పందించట్లేదు?
ఎంఐఎం హిందువులను రెచ్చగొట్టే వ్యాఖ్యలు చేస్తుంటే కేసీఆర్, కేటీఆర్ ఎందుకు స్పందించడం లేదని నిలదీశారు. హిందువులను ఇన్ని మాటలు అంటుంటే రేవంత్ రెడ్డి, షబ్బీర్ అలీ,ఉత్తమ్ ఎక్కడకు వెళ్లారన్నారన్నారు. సీఏఏ ఊరేగింపులకు భారతదేశ జెండా పట్టుకుని తిరగడం ఒక డ్రామా అని.. వాళ్ల అసలు ఎజెండా పాకిస్థాన్ జెండా అని కృష్ణసాగర్ రావు ఆరోపించారు.
ఇవీ చూడండి: సమాజం మార్పునకు తయారు చేసిన ఆయుధమే 'కమ్యూనిస్ట్ మానిఫెస్టో'
