BJP MP Laxman Reacts To KTR Tweet : 'కేటీఆర్ చెబుతున్నవి పచ్చి అబద్ధాలు.. బీజేపీకి వస్తున్న ఆదరణ ఓర్వలేక అసత్య ప్రచారం'

BJP MP Laxman Reacts To KTR Tweet : ప్రధాని నరేంద్ర మోదీ నిజామాబాద్ ప్రజాగర్జన సభలో చేసిన వ్యాఖ్యలు తెలంగాణలో కుంపటి పెట్టినట్లైంది. బీఆర్ఎస్ పార్టీపై మోదీ చేసిన వ్యాఖ్యలు రాష్ట్ర రాజకీయాల్లో ప్రకంపనలు రేపాయి. జీహెచ్ఎంసీ ఎన్నికల అనంతరం కేసీఆర్ ఎన్డీఏలో చేరతానని తన వద్దకు వచ్చారని మోదీ చేసిన వ్యాఖ్యలను బీఆర్ఎస్ నేతలు ఖండిస్తున్నారు. మరోవైపు గులాబీ నేతల వ్యాఖ్యలపై బీజేపీ నేతలు తమదైన శైలిలో స్పందిస్తున్నారు.

BJP MP Laxman Reacts On X on KTR Tweet : ప్రధాని నరేంద్ర మోదీ నిజామాబాద్‌ ప్రజా గర్జనలో చేసిన వ్యాఖ్యలపై తెలంగాణ ఐటీ శాఖ మంత్రి కేటీఆర్‌ ఎక్స్‌ వేదికగా స్పందించారు. 2018లో బీఆర్‌ఎస్‌తో పొత్తుకు సిద్ధమని అప్పుడు ఆ పార్టీ రాష్ట్ర అధ్యక్షుడిగా ఉన్న లక్ష్మణ్‌ అన్నారని.. అవసరమైతే బీఆర్‌ఎస్‌కు బీజేపీ మద్ధతుగా నిలుస్తుందని చెప్పారని కేటీఆర్‌ ట్వీట్ చేశారు.

MP Laxman Fires on KTR : 2018 బీజేపీ బీఆర్‌ఎస్‌కు మద్దతిస్తుందని తాను చెప్పినట్లు మంత్రి కేటీఆర్‌ చేసిన వ్యాఖ్యలను ఖండిస్తున్నానని బీజీపీ ఎంపీ లక్ష్మణ్ తెలిపారు. అది అసత్య ప్రచారమన్న ఆయన.. దురుద్దేశపూరితంగా కేటీఆర్ ఇలాంటి కామెంట్స్ చేశారని మండిపడ్డారు. బుకాయించడం, దబాయించడం, అబద్ధాలు చెప్పడం కల్వకుంట్ల కుటుంబానికి అలవాటేనని విమర్శఇంచారు. తమ తప్పులను ఎత్తిచూపితే మంటతో బట్టగాల్చి మీదేసేలా ఇతరులపై నిందలు, దుష్ప్రచారం చేయటం సిగ్గుచేటని ఆగ్రహం వ్యక్తం చేశారు. నకిలీ హామీలు, వెకిలిచేష్టలు, అబద్ధపు ప్రచారాలు చేయటం కేసీఆర్ ఫ్యామిలీకి, బీఆర్‌ఎస్‌ నాయకులకు అలవాటేనని బీజేపీ ఎంపీ లక్ష్మణ్ అన్నారు.

• TRS - BRS was founded on a foundation of deceit, displaying a unique ability to collaborate with various political parties regardless of their ideologies.
  
  Since the inception of the Telangana State, the BRS party has formed alliances with @aimim @cpimspeak @cpofindia. This is… https://t.co/Ptlk3sNd14

  — Dr K Laxman (@drlaxmanbjp) October 4, 2023 " class="align-text-top noRightClick twitterSection" data="

  TRS - BRS was founded on a foundation of deceit, displaying a unique ability to collaborate with various political parties regardless of their ideologies.
  
  Since the inception of the Telangana State, the BRS party has formed alliances with @aimim @cpimspeak @cpofindia. This is… https://t.co/Ptlk3sNd14

  — Dr K Laxman (@drlaxmanbjp) October 4, 2023

  ">

  TRS - BRS was founded on a foundation of deceit, displaying a unique ability to collaborate with various political parties regardless of their ideologies.
  
  Since the inception of the Telangana State, the BRS party has formed alliances with @aimim @cpimspeak @cpofindia. This is… https://t.co/Ptlk3sNd14

  — Dr K Laxman (@drlaxmanbjp) October 4, 2023

BJP Leader Laxman Tweet on KTR : బీజేపీ ఒక సిద్ధాంతానికి కట్టుబడి, ప్రజా ప్రయోజనాలకు అనుగుణంగా నడచుకునే పార్టీ అని లక్ష్మణ్ స్పష్టం చేశారు. బీఆర్‌ఎస్‌ అవసరాల కోసం పక్క దారులు తొక్కే పార్టీ అని ఆరోపించారు. ఎన్నికలు వస్తే చాలు.. ఏదో ఒక పార్టీతో లాలూచీ పడటం, కేవలం స్వార్ధపూరిత రాజకీయాల కోసం పొత్తుల డ్రామాలు చేసి ఓట్ల రాజకీయం చేయడం వాళ్ల నైజం అని విమర్శించారు. బీఆర్‌ఎస్ పార్టీ.. వంచన అనే పునాదిపై స్థాపితమైన పార్టీ అని.. విధివిధానాలతో సంబంధం లేకుండా నడచుకుంటుందని వ్యాఖ్యానించారు.

BJP BRS Alliance Controversy Telangana : "తెలంగాణ రాష్ట్ర ఆవిర్భావం తర్వాత బీఆర్‌ఎస్ కేవలం పొత్తులతోనే కాలం వెళ్లదీసింది. ప్రతి ఎన్నికల్లో వివిధ పార్టీలతో తెరచాటు ఒప్పందాలు, పొత్తులు పెట్టుకున్న బీఆర్‌ఎస్‌.. బీజేపీ గురించి మాట్లాడే నైతిక అర్హత లేదు. గ్రేటర్ ఎన్నికలకు ముందు బీఆర్‌ఎస్‌ ఎంఐఎం పార్టీతో ఒప్పందం కుదుర్చుకుని.. ఎన్నికల అనంతరం ఆ పార్టీతో కూటమిని ఏర్పరుచుకుంది. కేవలం ఎంఐఎం దోస్తీతోనే బీఆర్‌ఎస్‌ మేయర్ పీఠం దక్కించుకుంది. మునుగోడు ఉపఎన్నికలో బీజేపీకి వస్తున్న ప్రజాదరణను జీర్ణించుకోలేక.. ఓటమి భయంతో సీపీఎం, సీపీఐ పార్టీలను కలుపుకొని ఎన్నికల్లో గట్టెక్కేందుకు పొత్తు రాజకీయాలకు తెర తీసింది. అని లక్ష్మణ్ బీఆర్ఎస్​పై విరుచుకుపడ్డారు.

"వారసత్వ, కుటుంబ, వ్యక్తి ఆధారిత రాజకీయాలకు కేరాఫ్‌ బీఆర్‌ఎస్ పార్టీ అని లక్ష్మణ్ అన్నారు. కుటుంబ పాలనతో రాజకీయాలని విషతుల్యం చేస్తోందని.. అలాంటి పార్టీతో సంబంధమున్న ఏ పార్టీనీ కూడా బీజేపీ ప్రోత్సహించదని.. దరచేరనివ్వదని స్పష్టం చేశారు. ఎన్నికల్లో నైతికంగా గెలిచేవారిని యోధులు అంటారని పేర్కొన్నారు. బీఆర్‌ఎస్‌, కాంగ్రెస్‌, ఎంఐఎం కుమ్మక్కు రాజకీయాలను ప్రజలు గమనిస్తున్నారని తెలిపారు. బీజేపీకి వస్తున్న ప్రజాదరణను తట్టుకోలేక.. ఓటమి భయంతో తమపై అబద్ధపు ప్రచారాలు చేస్తున్నారని లక్ష్మణ్ మండిపడ్డారు.