ముఖ్యమంత్రి కేసీఆర్ ఎన్ని జిమ్మికులు చేసిన హైదరాబాద్-రంగారెడ్డి-మహబూబ్నగర్ పట్టభద్రుల నియోజకవర్గంలో భాజపా అభ్యర్థి విజయం సాధిస్తారని ఆ పార్టీ రాష్ట్ర అధ్యక్షుడు, ఎంపీ బండి సంజయ్ ధీమా వ్యక్తం చేశారు. రాంచందర్ రావు గెలుపు కోసం భాజపా లీగల్ సెల్ తెలంగాణ ఆధ్వర్యంలో హైదరాబాద్ నారాయణగూడలో నిర్వహించిన సమావేశంలో బండి సంజయ్తో పాటు రాంచందర్ రావు, పలువురు న్యాయవాదులు పాల్గొన్నారు.
ప్రతి న్యాయవాది క్షేత్రస్థాయిలో పనిచేసి గెలుపు కోసం పని చేయాలని... ఏ అవకాశాన్ని వదలకుండా ప్రణాలికాబద్ధంగా పని చేయాలని బండి సంజయ్ సూచించారు. రెండు పట్టభద్రుల ఎమ్మెల్సీ ఎన్నికల్లో భాజపా ఘన విజయం సాధిస్తుందని ఆయన ధీమా వ్యక్తం చేశారు.
ఇదీ చదవండి: న్యాయవాదుల హత్య కేసు సీబీఐకి బదిలీ చేయాలని హైకోర్టులో పిటిషన్
