'డబుల్​ బెడ్​ రూమ్ ఇళ్ల పేరుతో ప్రజలను మోసం చేస్తున్నారు'

జీహెచ్​ఎంసీ ఎన్నికలు సమీపిస్తున్న వేళ ప్రజలను డబుల్​ బెడ్​ రూమ్ ఇళ్ల పేరుతో తెరాస మోసం చేస్తోందని... భాజపా నాయకులు ఆరోపించారు. జూబ్లీహిల్స్​లోని డబుల్​ బెడ్​ రూమ్ ఇళ్ల నిర్మాణాలను భాజపా నేతలు పరిశీలించారు.

డబుల్ బెడ్ రూమ్ ఇళ్ల పేరుతో తెరాస ప్రభుత్వం ప్రజలను మోసం చేస్తోందని భాజపా నాయకులు ఆరోపించారు. హైదరాబాద్‌ జూబ్లీహిల్స్​లోని డబుల్ బెడ్ రూమ్ ఇళ్ల నిర్మాణాలను భాజపా నేతలు పరిశీలించారు.

జూబ్లీహిల్స్ నియోజకవర్గంలోని 210 డబుల్ బెడ్ రూమ్ ఇళ్ల నిర్మాణ పనులు నత్తనడక సాగుతున్నాయని... చేస్తున్న పనుల్లోనూ నాణ్యత పాటించడం లేదని భాజపా నేతలు ఆరోపించారు. జీహెచ్​ఎంసీ ఎన్నికలు వస్తున్నాయని ప్రజలను మభ్యపెట్టేందుకు తెరాస నాయకులు ప్రయత్నిస్తున్నారని తెలిపారు. ఇచ్చిన మాటను నిలబెట్టుకోకపోతే పెద్ద ఎత్తున ఆందోళనలు చేపడతామని హెచ్చరించారు.

ఇదీ చూడండి: లెక్కల్లో చూపించారు... క్షేత్రస్థాయిలో నిర్మించలేదు: భట్టి