మలక్​పేట్​ యశోద ఆస్పత్రి వద్ద భాజపా నేతల అరెస్టు

హైదరాబాద్​ మలక్​పేట్​ యశోద ఆస్పత్రి వద్ద భాజపా నాయకులు ఆందోళన చేపట్టారు. కరోనా వచ్చిందటూ శ్వేత అనే మహిళ వద్ద లక్షల్లో డబ్బులు గుంజారని ఆరోపించారు.

హైదరాబాద్​ మలక్​పేట్​ యశోద ఆస్పత్రి వద్ద భాజపా నేతలు ఆందోళనకు దిగారు. కరోనా పేరుతో శ్వేత అనే మహిళ వద్ద లక్షల్లో డబ్బు గుంజి, చివరకు గుండెపోటుతో మరణించిందని డెత్​ సర్టిఫికెట్​ ఇచ్చారని ఆరోపించారు. సెప్టెంబర్ మూడో తేదిన చనిపోతే 4న మృతి చెందినట్లు సర్టిఫికెట్​ ఇచ్చారని మండిపడ్డారు.

శ్వేత రిపోర్టుల కోసం ఆస్పత్రికి వెళ్లిన మాధవరావును యాజమాన్యం నిర్బంధించిందని భాజపా నేతలు ఆగ్రహం వ్యక్తం చేశారు. ఆస్పత్రి వద్ద ఆందోళనకు దిగిన భాజపా నేతలను అరెస్టు చేసిన పోలీసులు.. మలక్​పేట్​ పోలీస్ స్టేషన్​కు తరలించారు.

• ఇవీ చూడండి: కరోనా పరీక్షలు వాళ్లందరికీ చేయాల్సిందే: ఐసీఎంఆర్