'రాజకీయాలు పక్కనపెట్టి ఐక్యంగా పోరాడాలి'

ప్రధాన మంత్రి ఆదేశాలతో పేద ప్రజల ఆకలి తీర్చేందుకు భాజపా యత్నిస్తోందని ఎమ్మెల్సీ రాంచందర్​రావు అన్నారు. సికింద్రాబాద్ మెట్టుగూడలో పారిశుద్ధ్య కార్మికులు, పేదలకు నిత్యావసరాలు అందజేశారు.

సికింద్రాబాద్​ మెట్టుగూడలో భాజపా నేత సారంగపాణి ఆధ్వర్యంలో పారిశుద్ధ్య కార్మికులు, పేదలకు నిత్యావసరాలు అందజేశారు. ప్రస్తుత విపత్కర పరిస్థితుల్లో ప్రధాన మంత్రి మోదీ అమలు చేస్తోన్న నిర్ణయాల పట్ల ప్రశంసలు వెల్లువెత్తుతున్నాయని ఎమ్మెల్సీ రాంచందర్ రావు తెలిపారు.

లాక్​డౌన్​ సమయంలో ప్రభుత్వ ఉద్యోగుల జీతాల్లో కోతలు విధించడం ఎంత వరకు సమంజసమని ప్రశ్నించారు. రాజకీయాలను పక్కనపెట్టి కరోనాపై అందరూ ఐక్యంగా పోరాడాలని కోరారు.

• ఇవీ చూడండి: పుల్వామాలో భారీ ఉగ్రదాడికి కుట్ర..!