కేసీఆర్ కళ్లల్లో భయం చూశా: విజయశాంతి

హాలియాలో కేసీఆర్ ప్రసంగం అంతా పాత చింతకాయ పచ్చడిలా ఉందని భాజపా నేత విజయశాంతి ఎద్దేవా చేశారు. తెరాస ఓడిపోతుందని... సభలో కేసీఆర్ కళ్లల్లో భయం చూశానని వ్యాఖ్యానించారు.

నల్గొండ జిల్లాలోని హాలియా సభలో కేసీఆర్​ కళ్లల్లో భయం కనిపించిందని భాజపా నేత, మాజీ ఎంపీ విజయశాంతి వ్యాఖ్యానించారు. తెరాస ప్రభుత్వం కూలిపోయే సమయం వచ్చిందని జోస్యం చెప్పారు. ముఖ్యమంత్రి, జానారెడ్డి మంచి మిత్రులను తెలిపారు. కాంగ్రెస్ ముఖ్యనేతలు కేసీఆర్​తో ఒప్పందం కుదుర్చుకున్నారని వ్యాఖ్యానించారు.

ఒప్పందంలో భాగంగానే 12 మంది ఎమ్మెల్యేలు తెరాసలో చేరారని తెలిపారు. సరైన సమయంలో తెరాస అవినీతిని ప్రజల ముందు ఉంచుతామన్నారు. హాలియాలో కేసీఆర్ ప్రసంగం పాత చింతకాయ పచ్చడిలా ఉందంటూ ఎద్దేవా చేశారు.

ఇదీ చూడండి: 'ఎవరు గెలిస్తే అభివృద్ధి జరుగుతుందో బేరీజు వేసుకోవాలి'