BJP Leader Muralidhar Rao Chitchat : "వెల్ఫేర్ విషయంలో కేసీఆర్​ను ఓడించలేం... బీజేపీ గెలుపుకోసం ఏం చేయాలంటే"

BJP Madhya Pradesh incharge Muralidhar Rao on Telangana : ప్రస్తుత ఎన్నికల సమయంలో పార్టీనేతల మధ్య జూనియర్​, సీనియర్​ విబేధాలు రాకూడదనే ఉద్దేశంతో .. జాతీయ నాయకత్వం బండిసంజయ్​ని మార్చిందని మురళీధర్​రావు పేర్కొన్నారు. తెలంగాణలో బీజేపీ అధ్యక్షుడి మార్పుతో పార్టీకి ఎటువంటి నష్టం జరగలేదని తెలిపారు. కేసీఆర్​ను వెల్ఫేర్ పథకాలతో ఓడించలేమని.. ప్రజాసమస్యలపై విస్తృత ప్రచారం చేస్తేనే బీజేపీకి గెలుపు సాధ్యమని అభిప్రాయపడ్డారు.

Muralidhar Rao on Upcoming Elections in Telangana : తెలంగాణలో బీజేపీ అధ్యక్షుడి మార్పు కారణంగా పార్టీకి నష్టం వచ్చిందంటూ అనడం సరైంది కాదనీ మధ్యప్రదేశ్​ బీజేపీ ఇంఛార్జ్​ మురళీధర్​రావు పేర్కొన్నారు. ప్రస్తుత పరిస్థితుల దృష్ట్యా జాతీయ నాయకత్వం.. అధ్యక్షుడి మార్పునకు మొగ్గుచూపిందని.. ఎందుకు మార్చారు అనేది పార్టీ పెద్దలకు బాగా తెలుసన్నారు.

బండి సంజయ్​కి పార్టీలో​ నేతలందరినీ కలుపుకుపోవడం.. ఇబ్బందికరమని భావించి అధినాయకత్వం తప్పించింది కావొచ్చన్నారు. ఎన్నికలకు తక్కువ సమయం ఉన్న నేపథ్యంలో కొందరు పెద్ద నాయకులు వస్తారని... వారిని కలుపుకుపోవడంపై ఇబ్బందులు వస్తాయని భావించి తప్పించారని అభిప్రాయం వ్యక్తం చేశారు. సీనియర్​, జూనియర్ అని బేధభావాలు రావొచ్చనే ఉద్దేశంతో అలా చేసి ఉండొచ్చన్నారు. హైదరాబాద్​ వచ్చిన మురళీధర రావు.. మీడియా ప్రతినిధులతో చిట్​చాట్ చేశారు.

Muralidhar Rao on Present Politics in Telangana : కేసీఆర్​ను(KCR) వెల్ఫేర్ విషయంలో కొట్టలేమని.. అలా అని ప్రతిసారి వెల్ఫేర్ పేరుతో కూడా వారు గెలవలేరన్నారు. కేసీఆర్​ను కొట్టాలంటే.. ప్రజాసమస్యలను క్షేత్రస్థాయిలో విస్తృతంగా ప్రచారం చేయాలని.. లేదంటే ఓడించలేమని పేర్కొన్నారు. తెలంగాణ జనాభాలో యూత్ 65 శాతం మంది ఉన్నారన్నారు. రాష్ట్రంలో ఇవాళ నిరుద్యోగ సమస్య తీవ్రంగా వెంటాడుతోంది. యువతకు అండగా ఉంటే సులభంగా కేసీఆర్​ను ఓడించొచ్చన్నారు. ప్రజాధనంను కొల్లగొట్టి అవినీతి చేసినోళ్లు అంతా జైలుకు పోవాల్సిందేనని.. అందుకే జైళ్లు కడుతున్నామని పరోక్షంగా కవితను ఉద్దేశించి అన్నారు.

Upcoming Elections in Madhyapradesh : మధ్యప్రదేశ్​లో జరగబోయే ఎన్నికల్లో బీజేపీ, కాంగ్రెస్​ల మధ్యే ప్రధాన పోటీ నెలకొందని.. ఇవి తప్ప మరో పార్టీ రేసులో లేదనీ మురళీధర్​రావు అన్నారు. కాంగ్రెస్ అసంతృప్తి నేతలు బీజేపీలో(BJP).. కమలం అసంతృప్తి నేతలు కాంగ్రెస్ లో చేరుతారు అంతేకానీ మధ్యప్రదేశ్​లో మరో ప్రత్యామ్నాయం లేదన్నారు. పాలిటిక్స్ ఒక బ్యూటీ అని.. ఒకరి గురించి మరొకరు చెబుతుంటారని.. అలా సులభంగా అవతలి వారిని స్టడీ చేయొచ్చనీ మీడియాతో నిర్వహించిన ఇష్టాగోష్టిలో తెలిపారు.

ఎన్నికల్లో ఛత్తీస్​గఢ్​​, మధ్యప్రదేశ్​కు వ్యత్యాసం ఎక్కువగా ఉందని.. మధ్యప్రదేశ్ ఎన్నికల్లో గట్టి పోటీ ఉండదన్నారు. కర్ణాటకలో జరిగిన ఎన్నికల్లో బీజేపీకి గట్టి పోటీ ఇచ్చిన కాంగ్రెస్​.. మధ్యప్రదేశ్​లో ఇవ్వలేకపోవచ్చు అన్నారు. సంక్షేమ పథకాలు అమలులో కేసీఆర్​ ముందున్నారని.. అక్కడ శివరాజ్​సింగ్ అలాగేనన్నారు. కర్ణాటకలోలాగా మధ్యప్రదేశ్​లో కాంగ్రెస్ హామీలు ప్రజలు నమ్మేస్థితిలో లేరన్నారు. శివరాజ్​సింగ్ వాళ్లకంటే ఒకడుగు ముందే ఉన్నారనీ చెప్పారు. సిద్ధరామయ్య మాస్ లీడర్.. కమల్​నాథ్ మంచి లీడర్ కానీ మాస్ ఇమేజ్ లేదన్నారు.