అంబర్పేట
అంబర్పేట మున్సిపల్ గ్రౌండ్లో అట్టహాసంగా కిషన్రెడ్డి ఆధ్వర్యంలో బతుకమ్మ సంబురాలు జరిగాయి. పూలపండుగలో మహిళలు, చిన్నారులు ఆటపాటలతో ఆడిపాడారు. ఈ కార్యక్రమంలో కిషన్రెడ్డితో పాటు భాజపా రాష్ట్ర అధ్యక్షుడు లక్ష్మణ్, బ్యాడ్మింటన్ ప్లేయర్ పీవీ సింధు, మాజీఎంపీ వివేక్ తదితరులు పాల్గొన్నారు.
చెర్లపల్లి
హైదరాబాద్ చెర్లపల్లి చెరువు వద్ద ఏర్పాటు చేసిన బతుకమ్మల సంబురాల్లో నగర మేయర్ సతీమణి బొంతు శ్రీదేవి పాల్గొన్నారు. మహిళలు చిన్నారులతో కలిసి పూల పండుగలో పాల్గొన్నారు.
గచ్చిబౌలి
గచ్చిబౌలిలోని గ్లోబల్ పీస్ ఆడిటోరియంలో తెలంగాణ మహిళా ఎంటర్ప్రెన్యూర్స్, బ్రహ్మకుమారీస్ సంయుక్త ఆధ్వర్యంలో బతుకమ్మ వేడుకలను ఘనంగా నిర్వహించారు. ఈ వేడుకల్లో కార్పొరేటర్ విజయలక్ష్మి పాల్గొన్నారు.
జూబ్లీహిల్స్
జూబ్లీహిల్స్ పరిధిలోని షేక్పేట్లో సుమారు 1000 మంది మహిళలతో అంగరంగ వైభవంగా బతుకమ్మ సంబురాలు నిర్వహించారు. ఈ కార్యక్రమంలో జూబ్లీహిల్స్ ఎమ్మెల్యే మాగంటి గోపీనాథ్ పాల్గొన్నారు.
కూకట్పల్లి
కూకట్పల్లి ఎల్లమ్మబండలో పూల పండుగ సంబురాలు ఘనంగా జరిగాయి. కార్యక్రమంలో ఎమ్మెల్యే అరికెపూడి గాంధీ, కూకట్పల్లి జోనల్ కమిషనర్ మమత పాల్గొన్నారు. మహిళలతో కలిసి కోలాటం ఆడారు.
వీబీఐటీ
అభివృద్ధికి నోచుకోని గ్రామీణ ప్రాంతాల్లో మౌలిక సదుపాయాలు కల్పించాలనే లక్ష్యంతో వీబీఐటీ సంస్థ విద్యార్థులు ఓ స్వచ్ఛంద సంస్థ ద్వారా సేవా కార్యక్రమాలకు శ్రీకారం చుట్టారు. అందులో భాగంగా హైదరాబాద్లోని కళాశాల ప్రాంగణంలో దాండియా వంటి సాంస్కృతిక కార్యక్రమాలు నిర్వహించారు. ఈ కార్యక్రమానికి సినీనటులు శ్యామల, అమిత్ తివారి హాజరై సందడి చేశారు.
సికింద్రాబాద్
సికింద్రాబాద్ బోయిన్పల్లిలో దేవి నవరాత్రి వేడుకలు ఘనంగా జరుగుతున్నాయి. ఉత్సవాల్లో భాగంగా కుంకుమార్చన కార్యక్రమం నిర్వహించగా... పెద్ద ఎత్తున మహిళలు వచ్చారు.
ఇవీ చూడండి.. పాక్ టీనేజర్ హస్నేన్ ప్రపంచ రికార్డు
