మంత్రాలయంలో భక్తులు గుమిగూడకుండా ఏర్పాట్లు

కొవిడ్ వ్యాప్తిని దృష్టిలో ఉంచుకుని... వివిధ రాష్ట్రాల నుంచి ఆంధ్రప్రదేశ్​లోని మంత్రాలయానికి వచ్చే భక్తులపై మఠం అధికారులు ఆంక్షలు విధించారు. ఆలయ పరిసరాల్లో భక్తులు గుమిగూడకుండా బారికేడ్లు ఏర్పాట్లు చేశారు.

ఆంధ్రప్రదేశ్​లోని కర్నూలు జిల్లా మంత్రాలయం రాఘవేంద్రస్వామి మఠం వీధుల్లో భక్తులు విహరించకుండా అధికారులు బారికేడ్లు ఏర్పాటు చేశారు. దేశంలో కరోనా కేసులు పెరుగుతున్నందున... మంత్రాలయానికి వచ్చే భక్తులు స్వామి దర్శనం అనంతరం మఠం వీధుల్లో గుమిగూడకుండా ఉండేందుకు ఈ ఏర్పాట్లు చేసినట్లు ఆలయ అధికారులు వెల్లడించారు.

ప్రతి ఒక్కరూ కొవిడ్ జాగ్రత్తలు పాటించాలని సూచించారు. రాఘవేంద్ర స్వామి మఠంలో నిత్య పూజలు యథావిధిగా కొనసాగుతున్నాయని తెలిపారు.

ఇదీ చదవండి: రాష్ట్రంలో కరోనా తీవ్రతపై మంత్రి ఈటల సమీక్ష