అన్నదాతలతో సత్సంబంధాలకై బరోడా కిసాన్​ పక్వాడా

గ్రామీణ ప్రాంతాలలోని తమ శాఖల ద్వారా రైతులకు మరిన్ని సేవలు అందించేందుకు సిద్ధంగా ఉన్నట్లు బ్యాంక్ ఆఫ్ బరోడా తెలంగాణ రీజన్ జీఎం శ్రీనివాస్ తెలిపారు.

అక్టోబర్ 1 నుంచి 15 వరకు బరోడా కిసాన్​ పక్వాడా సంబురాలు నిర్వహించనున్నట్లు బ్యాంక్​ ఆఫ్​ బరోడా తెలంగాణ రీజన్​ జీఎం శ్రీనివాస్​ తెలిపారు. దేశానికి వెన్నెముకగా ఉంటూ, సేవలందిస్తోన్న రైతులకు అండగా ఉండాల్సిన అవసరం ఉందన్నారు. అందుకోసమే పదిహేను రోజుల పాటు తెలుగు రాష్ట్రాల్లో రైతుల కోసం ప్రత్యేక స్కీమ్​లు ప్రవేశపెట్టనున్నట్లు పేర్కొన్నారు. తమ బ్యాంక్ నుంచి వ్యవసాయ ఋణాలు ఎలా తీసుకోవాలో తెలుపుతామని... తెలుగు రాష్ట్రాల్లో ఉన్న 484 బ్యాంక్​ శాఖల్లో అన్నదాతలతో సత్సంబంధాలు పెంచుకునేందుకు కిసాన్ మేళా నిర్వహిస్తున్నామని వెల్లడించారు. అక్టోబర్ 16న వరల్డ్ ఫుడ్ డే పురస్కరించుకుని బరోడా కిసాన్ దివాస్ కార్యక్రమం నిర్వహిస్తున్నామన్నారు.

• ఇదీ చూడండి : కుప్పకూలిన బ్యాంకింగ్​ రంగ షేర్లు