ఎడతెరిపిలేని వర్షాలు, వరదలతో తెలంగాణ ప్రజలు అప్రమత్తంగా ఉండాలని భాజపా రాష్ట్ర అధ్యక్షుడు బండి సంజయ్ కోరారు. మరో రెండు రోజులు వర్షాలు పడనున్నందున ఇళ్లకే పరిమితం కావాలని సూచించారు. వరద బాధితుల్ని ప్రభుత్వం ఆదుకోవాలని... ఇళ్లు కూలిపోయిన బాధితులకు 20 లక్షల పరిహారం ఇవ్వాలని డిమాండ్ చేశారు. భారీ వర్షాలపై వాతావరణశాఖ హెచ్చరికలు చేసినా... ప్రభుత్వం ముందస్తు చర్యలు తీసుకోలేదని మండిపడ్డారు.
వరద గుప్పిట చిక్కుకున్న ప్రాంతాల్లో యుద్ధ ప్రాతిపదికన చర్యలు చేపట్టాలని ఆయన సూచించారు. హైదరాబాద్‌లో వరద సమస్యకు ప్రభుత్వం శాశ్వత పరిష్కారం చూపకపోవడమే ముంపునకు కారణమని దుయ్యబట్టారు. భాజపా కార్యకర్తలు క్షేత్రస్థాయిలో సహాయ చర్యల్లో భాగస్వాములు కావాలని పిలుపునిచ్చారు. కార్యకర్తలు స్థానిక పరిస్థితుల్ని అధికారుల దృష్టికి తీసుకెళ్లి సహాయ చర్యలు చేపట్టాలన్నారు.
ఇదీ చదవండి: జలాశయాలకు జలకళ.. పరవళ్లు తొక్కుతున్న కృష్ణమ్మ
