ఏపీలోని అనంతపురం జిల్లా హిందూపురంలో తెలుగుదేశం ఎమ్మెల్యే నందమూరి బాలకృష్ణ మున్సిపల్ ఎన్నికల ప్రచారంలో పాల్గొన్నారు. రాష్ట్రంలో నలుగురు మంత్రులు మాఫియా నడుపుతున్నారని ఆరోపించారు. హిందూపురంలో రెండేళ్ల అభివృద్ధిపై ప్రభుత్వం శ్వేతపత్రం విడుదల చేయాలని డిమాండ్ చేశారు.
ప్రజలు తిరగబడే రోజు వస్తుందని గుర్తుంచుకోవాలని వైకాపా నాయకులను హెచ్చరించారు. అధికార పార్టీ నేతలు ఇంకా బెదిరింపులు, దౌర్జన్యాలకు పాల్పడితే.. ఆ పార్టీకి కాలం చెల్లినట్లేనని బాలకృష్ణ అన్నారు. వైకాపా ప్రభుత్వం వ్యవస్థలన్నీ నిర్వీర్యం చేసిందని ధ్వజమెత్తారు.
రెండేళ్ల హిందూపురం అభివృద్ధిపై శ్వేతపత్రం విడుదల చేయాలి: బాలకృష్ణ
ఇదీ చదవండి: మండలిలో నా రికార్డులను చూసి మాట్లాడాలి: రాంచందర్రావు
