పాపం పసిపాప.. నాలాలో మృతదేహం

అభం శుభం తెలియని పసిపాప... ఎందుకు వదిలేశారో తెలియదు... కానీ చాలా కర్కశంగా ప్రవర్తించి ఓ పసిగుడ్డును నాలాలో వదిలేశారు. ఈ ఘటన హైదరాబాద్ చంద్రాయణగుట్ట పీఎస్​ పరిధిలోని గుల్షన్ ఎక్బాల్ కాలనీలో చోటు చేసుకుంది. ఎవరు వదిలి వెళ్లారు, ఎందుకు వదిలి వెళ్లారు, హత్య చేశారా అనే కోణాలలో పోలీసులు దర్యాప్తు చేస్తున్నారు.

హైదరాబాద్ చంద్రాయణగుట్ట పోలీస్ స్టేషన్ పరిధిలోని గుల్షన్ ఎక్బాల్ కాలనీ సమీపంలోని నాలాలో ఓ పసిపాప మృతదేహాన్ని స్థానికులు గమనించారు. వెంటనే చంద్రాయణ గుట్ట పోలీసులకు సమాచారం తెలిపారు.

ఘటనా స్థలానికి చేరుకున్న పోలీసులు మృతదేహాన్ని బయటకు తీశారు. శవ పరీక్ష నిమిత్తం ఉస్మానియా ఆస్పత్రికి తరలించారు. ఆ పాప వయసు సుమారు 2 నుంచి 3 నెలల వయసు ఉన్నట్లు పోలీసులు భావిస్తున్నారు. కేసు నమోదు చేసుకుని దర్యాప్తు చేస్తున్నారు.

ఇదీ చూడండి : సామూహిక గొర్రెల షెడ్లను ప్రారంభించిన మంత్రి హరీశ్​