ఆటో డ్రైవర్లు రోడ్డెక్కారు. ఆటో ఫైనాన్స్లను 9 నెలల వరకు వాయిదా వేయాలని కోరుతూ ఖైరతాబాద్ ఆర్టీఏ కార్యాలయం ముందు ధర్నా చేశారు. ఆందోళనకారులను పోలీసులు అరెస్ట్ చేశారు. కరోనా సమయంలో లాక్డౌన్ విధించటం వల్ల ఆటో రంగంపై ఆధారపడిన 6 లక్షల కుటుంబాలు తీవ్రంగా నష్టపోయాయని ఆందోళన వ్యక్తం చేశారు.
ప్రస్తుతం లాక్డౌన్ ఎత్తివేసి ఆటోలకు సడలింపులిచ్చినా ప్రజలు రోడ్ల మీదకు రావడం లేదన్నారు. వ్యాపారాలు లేనందున ఆటోలకు గిరాకీ లేక, పెట్రోల్, డీజిల్ ధరలు విపరీతంగా పెరిగి చాలా ఇబ్బందులు పడుతున్నామని చెప్పారు. గ్రేటర్ హైదరాబాద్లో సుమారు 2 లక్షల పైగా ఆటో డ్రైవర్లు ఆటోల మీద ఆధారపడి జీవిస్తున్నారని నూటికి నూరు శాతం ప్రైవేటు ఫైనాన్సర్ల ద్వారానే ఆటోలు కొనుక్కొని నడుపుతూ నెలల వారీగా ఈఎంఐలు చెల్లించేవారే ఎక్కువగా ఉన్నారని తెలిపారు.
ఇదీ చూడండి:ఈనాడు, ఈటీవీ భారత్ కథనానికి స్పందన... నగరానికి వచ్చేస్తున్న బామ్మ
