తెలంగాణ ఈసెట్-2020 పరీక్ష నిర్వహణకు అన్ని ఏర్పాట్లు పూర్తయ్యాయి. ఈ మేరకు పరీక్షకు సంబంధించిన అన్ని మార్గదర్శకాలను జేఎన్టీయూహెచ్ విడుదల చేసింది. ఈనెల 31న ఉదయం, మధ్యాహ్నం రెండు విడతలుగా ఆన్లైన్ విధానంలో పరీక్షను నిర్వహించనున్నారు. ఇందుకోసం తెలంగాణలో 52, ఆంధ్రప్రదేశ్లో 4 పరీక్షా కేంద్రాలను ఏర్పాటు చేశారు. అన్ని కేంద్రాల్లో కొవిడ్ నిబంధనలకు అనుగుణంగా ఏర్పాట్లను పూర్తి చేశారు.
ఈ పరీక్షకు రాష్ట్రంలో 28,040 మంది అభ్యర్థులు దరఖాస్తు చేసుకోగా, 24,227 మంది హాల్ టికెట్లను డౌన్లోడ్ చేసుకున్నారు. పరీక్షకు అభ్యర్థులు మాస్కులు ధరించి శానిటైజర్ తీసుకొని రావాలని, ప్రతి ఏడాది మాదిరిగానే ఈసెట్ నిబంధనలు వర్తిస్తాయని జేఎన్టీయూ రిజిస్ట్రార్, టీఎస్ ఈసెట్ కన్వీనర్ హుస్సేన్ ఓ ప్రకటనలో తెలిపారు.
ఇవీ చూడండి: జేఈఈ, నీట్ పరీక్షలను వాయిదా వేయాలి: ఉత్తమ్
